Atualità
Scolines: Ejams de idoneité da d’altonn 2016 inant
Cun l’ann de scolina 2016/17 gnarál scrit fora de plü concursc por le personal didatich y pedagogich dles scolines dles trëi Intendënzes. Chësc é gnü stabilí inier, ai 15 de merz, dala Junta provinziala sön proposta dl’assessuria por le personal Waltraud Deeg.
L’ejam de idoneité é öna dles condiziuns por ciafé n contrat de laur a tëmp indeterminé. Al gnará scrit fora n concurs por le cheder profescional da „insegnantes/insegnanc dles scolines“ sciöche ince un por „colaboradësses pedagogiches/colaboradus pedagogics“ tles scolines ladines, todësces y talianes. Chësc é gnü stabilí inier (ai 15 de merz) dala Junta provinziala. I concursc gnará metüs a jí tratan l’ann de scolina 2016/17. La condiziun por ciafé l’idoneité é la cumpëda de almanco set agn de laur cina ai 31 de merz dl 2016 por la gradatöra todëscia y de almanco cinch agn por la gradatöra ladina y chëra taliana. Implü mëss i partezipanc y les partezipantes ester scrites ite tla gradatöra y fá sorvisc te na scolina. Por de plü informaziuns: http://www.provinz.bz.it/personal/service/aktuelles.asp?aktuelles_action=4&aktuelles_article_id=538428.
rc
