Atualità
INVIT: De Pedagogich ai 27 de ma a Urtijëi
Al vëgn organisé ai 27 de ma le De Pedagogich a Urtijëi cun n program ampl danter pedagogia y insegnamënt tl ciamp dl plurilinguism tles scolines ladines.
L’apuntamënt é por en vëndres, ai 27 de ma, cun le De Pedagogich dles scolines che vëgn organisé inann sot al moto „L’educaziun plurilinguala tl'eté infantila“ cun la pröma pert danmisde dales 09.00 ales 12.00 cun referac sön „I obietifs y la strotöra dl percurs formatif“ y la „Presentaziun de unités didatiches y de ejëmpli de ativités elaborades dales insegnantes y ejaminades dales reladësses“ cun les referëntes dl proiet Luciana Favaro y Linda Meneghin dla Université Ca' Foscari de Aunejia. La secunda pert gnará spo a se le dé dales 12.00 cina les 13.00 cun „Reflesciuns y transfer tla didatica dles scolines ladines“ cun Luciana Favaro, Linda Meneghin, Hannelore Insam y Edith Ploner.
Domisdé dales 15.00 ales 17.00 sarál la presentaziun di resultac dl’evaluaziun te döes scolines ladines da pert de Rosmarie Mussner y Irene Girotto en presënza dl assessur por la scora ladina Florian Mussner y dl intendënt Roland Verra. Ara se trata de na inrescida sön la comprenjiun di trëi lingac provinziai.
Le De Pedagogich Ladin gnará tigní
en vëndres, ai 27 de ma,
dales 09.00 ales 17.00
tla scolina Salieta
strada Roma 4
a Urtijëi.
rc
