Atualità
31 de ma: l'assessur Achammer presentëia mosöres por le plurilinguism
Al gnará presenté les scomenciadies che reverda le plurilinguism metüdes da jí dal Departimënt Educaziun tl lingaz todësch adöm ala plata internet nöia.
Le Südtirol é öna dles pücies regiuns europeiches che á arjunt l’obietif scrit dant dal Consëi dl’Uniun europeica che dij che düc i scolars dess imparé dui d’atri lingac adöm al lingaz dla uma. Le Departimënt Educaziun tl lingaz todësch á insciö metü da jí ince plü scomenciadies te chësc setur. Le focus reverda les mosöres de mantignimënt y de promoziun dla cualité dl insegnamënt di lingac, proiec inovatifs por l’aprendimënt linguistich tl setur scolastich y extrascolastich. Le Departimënt ó insciö aumenté les aziuns de sensibilisaziun che reverda les propostes a desposiziun tres n ativité d’informaziun mirada.
La presentaziun dles mosöres y dla plata internet nöia dedicada al plurilinguism gnará a se le dé
en mertesc ai 31 de ma
dales 14.00
tl salf stampa dl Palaz Widmann
plaza Silvius Magnago 1 a Balsan
cun l’assessur por l’istruziun todëscia Philipp Achammer, l’intendënt scolastich todësch Peter Höllrigl y le diretur dl’Area Inovaziun y Consulënza Rudolf Meraner.
rc
