Atualità
De dla Scora Ladina 2016 ai 29 d'agost a Urtijëi
En lönesc ai 29 d'agost apuntamënt tradizional cun le De dla Scora Ladina cun scomenciamënt dales 09.00 tla Ciasa dla Cultura "Luis Trenker" a Urtijëi.
Sciöche bele da tradiziun organisëia vigni ann püc dis dan le mëteman dl ann scolastich nü l'Intendënza ladina le De dla Scora Ladina. La manifestaziun ne é nia ma na buna ocajiun por düc i insegnanc, les insegnantes y döt le personal didatich y scolastich por s'incunté y se baraté fora, mo al é ince na scomenciadia de formaziun y de ajornamënt didatich. Chësc ann é la tematica de formaziun la relaziun danter puberté, sessualité y social networks cun le referat "Tutto troppo presto: sostenere la crescita, la salute sessuale e prevenire contenuti sessuali a rischio online in età evolutiva" dl dotur, psicoterapeut y inrescidú espert de materia Alberto Pellai dla Université de Milan. Le fin dla scomenciadia é chël da amplié les conescënzes sön le svilup emotif y sozial dal'infanzia cina ala fin dl percurs scolastich d'oblianza por acompagné i scolars te na manira otimala ti prozesc de svilup de sües competënzes soziales y emotives tratan döt le percurs scoalstich. Al é ince preodü l'interaziun y la partezipaziun cun le publich, por le pröm iade gnará chësc ann le De dla Scora Ladina tigní te na forma dl seminar cun de plü referac y discusciuns che se destënn fora por döt le de.
Le De dla Scora Ladina gnará a se le dé
en lönesc, ai 29. d'agost dl 2016,
dales 09.00 cina les 17.00
tla Cësa dla Cultura "Luis Trenker"
plaza San Durich,
a Urtijëi
cun les parores de salüd dl assessur por la scora ladina Florian Mussner y dl'intendënt ladin Roland Verra. La moderaziun sará dl diretur scolastich Bruno Senoner, dla cornisc musicala se fistidiará la Scora de Musiga de Gherdëna. Le De dla Scora Ladina vëgn reconesciü ai fins dl ajornamënt. L'invit y program é gnü injunté.
rc
