Atualità
Invit ala presentaziun dl cufer didatich Suri ai 15 de dezëmber
Le cufer didatich nü cun cater stories te cater lingac gnará presenté ai 15 de dezëmber dales 16:30 tla scolina d’Al Plan.
Le ciamp Inovaziun y Consulënza dl Departimënt Educaziun y Cultura ladina á indô dan man na publicaziun nöia adatada ales scolines y ales scores dles valades ladines mo ince por n publich plü ampl. Al se trata dl cufer didatich nü „Suri“ cun n liber ilustré, n sföi por le personal pedagogich, chertes parora – dessëgn, plates da pastelné y dessëgns tl format DIN-A4. La presentaziun dla publicaziun nöia gnará a se le dé
en jöbia ai 15 de dezëmber
dales 16:30
tla scolina
d’Al Plan de Mareo
cun l’introduziun dl diretur de Inovaziun y Consulënza Felix Ploner y dl’ispeturia Edith Ploner. Spo sarál les maestres de scolina Katrin Crazzolara y Michela Prinoth che presentará le material tl detai. Vigni partezipanta y partezipant ciafará n liber. La presentaziun vel sciöche formaziun. L'invit é gnü injunté.
USP
