Atualità
Europa quo vadis? Incuntades por na zitadinanza ativa
Söporjö 60 scomenciadies vëgn organisades a livel provinzial por ci che reverda les tematiches dl’Europa, di dërc umans, dla democrazia y dl’Europa.
Europa quo vadis? Ci idea dessun pa se fá sön le Brexit? Chëstes domandes y tröpes d’atres se fej i zitadins dl Südtirol y tl’Europa en general. Impulsc por ciafé respostes y por analisé la situaziun t’Europa pón ciafé tratan l’ediziun 2017 di Dis dl’Educaziun politica che vëgn organisá dai 23 d’aurí ai 9 de ma cun zirca 60 scomenciadies sön le program. Le moto dl’ediziun anuala sará „Education for Demcratic Citizienship“ cun tematiches che reverda i dërc umans, la democrazia y l’autonomia. Al vëgn organisé conferënzes, debatüdes, workshops, seminars, esposiziuns y tröp d’ater. Por de plü informaziuns sön dötes les scomenciadies pón vijité la plata internet www.provincia.bz.it/cittadinanza-attiva o contaté la colaboradëssa dl proiet Erna Flöss, Departimënt Educaziun y Cultura ladina – Inovaziun y Consulënza, tel. 0471.417034, erna.floess@provinz.bz.it
Por l’ocajiun él l’Ofize Educaziun permanënta dl Departimënt Cultura todëscia che organisëia adöm cun i ofizi de Inovaziun y Consulënza ladin y todësch n’inrescida. Dötes les zitadins y i zitadins pó dé jö süa minunga söl’Europa de aldedaincö. An pó scrí fora le cuestionar ince sön la plata internet www.provincia.bz.it/cittadinanza-attiva.
Les respostes vëgn coiüdes adöm y publicades sön la plata web: www.provinz.bz.it/politischebildung y sön le sföi anual di Dis de educaziun politica (sambëgn anonimamënter).
USP
