Atualità
Dal'Abissinia ala Spagna: veres y memoria 1935-1939
Presentaziun dl'ediziun nöia dla revista "Geschichte und Region / Storia e regione" ai 17 de ma dales 20:00 tla Teßmann a Balsan. Düc é inviá.
L’ediziun nöia dla revista “Geschichte und Region/Storia e regione” á inom Dal'Abissinia ala Spagna: veres y memoria 1935-1939 y é ambientada tla perioda dles veres dl fascism tl tëmp dal 1935-1939 tl'Etiopia y tla Spagna. Le sföi nü tematisëia ince les esperiënzes di combatënc dl Südtirol, dl Trentin y dl Tirol che á tut pert ales döes veres fascistes dala pert dl rejim sciöche ince dala pert di antifascisć volontars tla vera zivila spagnola.
Plü avisa gnará l’ediziun nöia presentada
en mercui, ai 17 de ma dl 2017,
dales 20:00
tla Biblioteca provinziala Dr. Friedrich Teßmann
strada Armando Diaz 8
a Balsan
dal editur dl sföi Andrea Di Michele dl Zënter de competënza Storia regionala dl'Université Lëdia de Balsan y da Sebastian De Pretto, Joachim Gatterer, Enzo Ianes, Friedrich Stepanek, Lorenzo Vicentini y Davide Zendri. Düc é dër bel inviá
USP
