Atualità
Biblioteca Teßmann, sëra de letöra cun Astrid Kofler
La scrituria Astrid Kofler da Balsan liará fora de so roman nü “Das Fliegen der Schaukel” ai 3 d’otober tla biblioteca Teßmann a Balsan.
Canche la maestra jona Ada Torelli vá d’altonn dl 1935 dala Talia zentrala tl Südtirol, por insigné iló te n paisc da munt talian, éra plëna de speranza por so compit mo i rosedamënc politics, che atoca ma püc agn dedô le paisc de confin, müda ince süa vita. Dl 1940 ára ma plü öna na scolara, i geniturs de düc i atri scolars á opté da jí tla Gran Germania. Sön la basa de anotaziuns tl liber de classa originales di agn 30 y dla storia fitiva de Ada, cunta l’auturia Astrid Kofler dl tëmp dan y do l‘opziun y de sües conseguënzes – na storia de amur y pordüda, forest y vijinanza, oposiziun y adatamënt.
La scrituria Kofler é nasciüda dl 1965 a Balsan. Ara á studié Germanistica y Sciënzes dl teater a Viena, sciöche ince jornalism tla Scora de jornalism Burda a Minca, Londra y Berlin. Dal 1998 incá laorera sciöche jornalista lëdia, realisadëssa de films y auturia.
Astrid Kofler liará fora de so roman nü „Das Fliegen der Schaukel”, pulcihe dala ciasa edituria Haymon, en mertesc, ai 3 d’otober, dales 20 inant tla Biblioteca provinziala Dr. Friedrich Teßmann a Balsan. La moderaziun sará de Eva Cescutti, la socmenciadia vëgn organisada dala Teßmann en colaboraziun cun le Südtiroler Künstlerbund.
USP
