Atualità
Olimpiades de talian por 1.086 studëntes y studënc
Incö él gnü a se le dé la secunda ediziun dles olimpiades de talian sciöche secundo lingaz cun 1086 studënc. La finala sará ai 20 de forá
Indöt al tut pert ala sesta ediziun dles Olimpiades de talian sciöche secundo lingaz 30 scores altes dles valades ladines y dl’Intendënza scolastica todëscia. Danter chëstes él 5 scores profescionales, 13 lizeums y 12 istituc tecnics. Al á tut pert indöt 1.086 studënc, 585 tla categoria Iunior y 499 te chëra Senior. Porvia de assënzes por maraties de sajiun y d’atres gaujies él sté 144 di 1230 studëntes y studënc scric ite che ne á nia tut pert. Les classifiches de categoria gnará publicades sön la plata ofiziala dla competiziun cina en lönesc ai 21 de jená. Les studëntes y i studënc de un n istitut podará fá la gara impormó ai 22 de jená por gaujes tecniches.
Por savëi düc chi che tol pert ala finala che gnará a se le dé ai 20 de forá a Porsenú, sarál da aspeté che düc ais fat la proa. Che che arjunj i pröms dui posć te vigni scora y categoria podará tó pert ala finala. La scomenciadia é gnüda organisada dal istitut tecnich por l’economia, la grafica y la comunicaziun “Julius Durst” de Porsenú cun le sostëgn dl’Intendënza scolastica todëscia.
USP
