Atualità
La nona ediziun de Birba é dan man - dedicada al cialt y al frëit
Na ediziun nöia de Birba é gnüda fora! Chësc iade éra dedicada al cialt y al frëit. La publicaziun dl Ciamp pedagogich dl’Intendënza ladina é rovada al numer 9 y pó gní consultada ince online.
Chësta ediziun de Birba é dedicada por intier al tema dla temperatöra. Sides la temperatöra dl corp uman, co boandes cialdes o spëisa frëida, le mudamënt climatich, l’invenziun dla dlaciara y tröc d’atri argomënc vëgn tratá por ladin, talian, todësch y inglesc.
Chësta ediziun tol ince ite döes intervistes: cun le diretur dl Ofize idrologia dla Provinzia y cun le comandant di stödafüch de San Martin de Tor.
Eserzizi, jüc y esperimënc completëia l’oferta didatica de Birba, che se presënta ai scolars y ales scolares dla 4. y 5. elementara, chësc iade te na iesta cöcena y cun sü dessëgns, che abelësc plata por plata.
Le numer é gnü ilustré cun tröpa fantasia da "MarameoLab". I tröc corusc y dessëgns, adatá ai mituns y ales mitans dles scores elementares, ti dá a Birba tröpa vivazité.
Birba #9 é online. I links por desciarié o lí Birba#9 online, é da ciafé sön la plata internet dl Ciamp pedagogich dla Direziun provinziala Scolines y scores ladines: www.pedagogich.it
USP/san
