Atualità
Bilanz dl ann scolastich: conferënza stampa ai 12 de lugio
I assessurs competënc Alfeider, Achammer y Vettorato presentará n bilanz dl ann scolatisch apëna jü a piz y les mosöres preodüdes por le scomenciamënt dl ann de scora 2021/22.
Ince tl Südtirol él l'ann de scora che vá a piz cun i ejams de contlujiun dles scores altes y mesanes. I trëi assessurs competënc Daniel Alfreider, Philipp Achammer y Giuliano Vettorato fajará na conferënza stampa por presenté i resultac di ejams y fá n bilanz dl ann de scora 2020/21
en lönesc, ai 12 de lugio dl 2021
dales 11:00
tla curt interna dl Palaz Widmann
plaza Silvius Magnago 1 a Balsan.
Al'incuntada cun i media tolará ince pert la direturia dl'Intendënza scolastica ladina y dla Cultura ladina Edith Ploner, le diretur por l'istruziun y la formaziun taliana Vincenzo Gullotta, le diretur por l'istruziun y formaziun todëscia Gustav Tschenett y la direturia dla Direziun provinziala Scores primares y secondares de pröm y secundo livel por todësch Sigrun Falkensteiner.
Informaziuns por i media: La conferënza stampa sará en presënza y al é nezesciar da tigní ite les normes de sigurté y igiena preodüdes. Al messará gní mantigní les destanzes preodüdes y al é d'oblianza da se vistí la maschera.
USP/jw
