Atualità
Di dla Scola ladina ai 31 de agost a La Ila
L’Intendënza ladina nvieia al Di dla Scola ladina ai 31 de agost a La Ila. Tl zënter dl’ancunteda iel chëst ann la cumpetënzes y la didatica dl daunì.
Cun l Di dla Scola ladina mët ufizialmënter man l ann de scola 2022/23 per dut l personal nseniant dla scoles ladines. La scola dl daunì sarà la tematica prinzipela dla edizion da chëst ann. Sun l program iel i saluc istituzionei, l referat dla dut.ssa Concetta Tino dal titul "Se njenië ca al daunì: soft skills y didatica inuvativa per ti vester ala ndesfidedes dla digitalisazion y dl mudamënt" y na mëisa turonda cun l studënt Martin Putzer, la nsenianta Monika Senoner, n genitor, l diretëur de scola Heinrich Videsott y l ispetëur dla scoles. N chësta ucajion unirà nce rengraziedes la nseniantes y i nsenianc che va n pension. La scola de mujiga de Badia abelirà l di.
La partezipazion al Di dla Scola ladina vën recunesciuda ai fins dl ajurnamënt dla nseniantes y di nsenianc. L vën prià bel de se nuzé di mesuns publics per unì adalerch ulache l ie mesun.
L Di dla Scola ladina vën a se l dé
n mierculdi, ai 31 de agost 2022
dala 9:00 inant
tla cësa de cultura a La Ila, str. Colz n. 75B.
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/nst
