Atualità
26 de setëmber: mëisa turonda sun l daunì dla pluralità linguistica
N ucajion dl Di europeich dla rujenedes nvieia l ufize de reprejentanza dl’Euregio de Bruxelles a n’ancunteda sun l tema “Ti dé forma al daunì dla pluralità linguistica: digitalisazion y junëza“.
Ai 26 de setëmber iel l Di europeich dla rujenedes, che ie unì festejà per l prim iede ntan l Ann europeich dla rujenedes tl 2001 cun l fin de ti dé ahta, mantenì y sustenì la pluralità linguistica y culturela dl’Europa. Per ti dé na lerch ala pluralità linguistica tulan n cunscidrazion nce la digitalisazion y la junëza iel unì metù a jì n ucajion dl Di europeich dla rujenedes
ai 26 de setëmber 2022, dala 15
tl ufize de reprejentanza dl’Euregio Südtirol-Tirol-Trentin
a Bruxelles, Rue de Pascale 45-47
na manifestazion dal titul “Shaping the future of linguistic diversity: digitalization and youth (Ti dé forma al daunì dla pluralità linguistica: digitalisazion y junëza)”. Chësta manifestazion ie unida urganiseda dal ufize de reprejentanza dl’Euregio deberieda cun la Provinzies autonomes de Bulsan y de Trënt, la region franzëusa Bretagne, la region spanuela Navarra y la provinzia olandeja dla Frisia.
La manifestazion unirà nvieda via dal Vizepresidënt ladin dla Provinzia de Bulsan, dal Presidënt dla Provinzia de Trënt y dal sëurastant dla Rë per la Pluralità Linguistica, Miquel Àngel Sureda. L’Intendënta Edith Ploner prejenterà la digitalisazion dla dliejes da pert di studënc y dla studëntes dla Val Badia.
L ie mesun se nuté su sota https://forms.office.com/r/UuQLrBfGic, o tò pert online tres Zoom: https://us06web.zoom.us/j/87444496052.
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/jw/red
