Atualità
19 de jené: la juebia culturela ti cëla ala storia de Souramont
Dla spartizion di chemuns de Souramont dal Tirol storich dan urmei 100 ani y de si relazions cun la Euregio vala pra la proscima juebia culturela tl “Waaghaus” a Bulsan.
Dan avisa 100 ani, ai 21 de jené 1923, ova l guviern fascist cumandà l’asseniazion sfurzeda di trëi chemuns ladins de Souramont (Anpezo, Fodom y Col) ala provinzia de Belun. I trëi chemuns fova dant stac per cënc d’ani na pert dl Tirol storich.
La storia de Souramont, che à do na deliberazion dla Senteda cunjonta di trëi cunsëies legislatifs dal 2014 na funzion de usservanza tla Euregio, ie tl zënter dla proscima juebia culturela dl’Europaregion Tirol-Südtirol-Trentin.
N juebia, ai 19 de jené 2023
dala 18:00
tl "Waaghaus"
a Bulsan, Lauben 19.
L ti unirà dat usc a persones de Souramont te tesc storics y dal di dancuei. La letura sceneca ie unida urganiseda deberieda dala Euregio, dala Lia culturela Waag y dal Istitut Cultural Ladin Cesa de Jan/Col. L ensemble "Kropya" acumpanierà la manifestazion cun si mujiga. La partezipazion ala sëira culturela ie liedia y debant.
La scumenciadiva dla juebies cultureles dla Euregio ie unida metuda a jì dan n ann dala Europaregion Tirol-Südtirol-Trentin y dala Lia culturela Waag: Uni terza juebia dl mëns vëniel pità tla cësa Waag a Bulsan devertimënt, workshops y ucajions de se cunëscer per granc y pitli.
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/jw/usp
