Atualità
Archeologia tla Dolomites: prejentazion dla publicazion ai 9 de fauré
La Ntendënza ladina nvieia ala prejentazion di trëi libri sun l’archeologia dla Dolomites cun tesć per tudësch, talian, gherdëina y badiot cun cufri cun material da pië ite.
Co iel pa a fé da mat cun dadi retics? A majené ju nstësc la blava? O a fé tizes cun piera da fuech? Sun chësta y mo truepa d’autra tematiches va ite la publicazion nueva data ora dala Ntendënza y Cultura ladina, che se mët adum da trëi libri (sun l Tëmp dla piera, l Tëmp dl ram y dl bront y l Tëmp dl fier) che cuntën cunescënzes dla preistoria tla valedes ladines cun truepa ideies y material didatich pratich per la lezions te scola. Pra i libri tochel nce cufri cun d’uni sort de material da pië ite cun la mans (p. ej. na piera da fuech, guant da tré sëura y n.i.).
La prejentazion di libri y dl material de archeologia vën a se l dé
n juebia, ai 9 de fauré 2023
dala 16:30
tl’Aula Magna dla scola elementera de Urtijëi.
Sun l program iel i saluc istituzionei da pert dl Assessëur per la scola y cultura ladina Daniel Alfreider y dla Ntendënta Edith Ploner, la prejentazion dl liber y dl material da pert dl’autëura Thea Unteregger, y i ntervënc de Herwig Prinoth, Sabrina Sborgi y Monica Insam che à cunlaurà te chësc proiet. La scola de mujiga de Gherdëina abelirà la sëira.
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/red
