Atualità

Scora / Cultura | 23.01.2004 | 11:15

Rapresentanc di diretëures anconta Mussner

Usp – Scumenciadives per la scola y la furmazion te chësta legislatura ie stai i argumënc al zënter de n’ancunteda danter l Assessëur ala scola ladina Florian Mussner y Josef Duregger cun Anton Senoner, rapresentanc di diretëures.

Argumënt mpurtant dla cunversazion ie stata la selezion di fins dla rapresentanza di diretëures n relazion ala linies y la strategies dla scola ladina per i proscimi ani. I rapresentanc dla lia naziunela di diretëures (Associazione Nazionale Presidi e Direttori didattici – ANP), dla lia provinziela di diretëurs (SDV) y di diretëures ladins (Lia di Direteures ladins - LDL) à presentà na lingia de prupostes y ideies. Danter chëstes ne fovel nia me prupostes spezieles per la scola ladina: l adatamënt di cuntrac coletifs per ncëres da dirighënc tla scoles defrëntes nsci sciche l lauré ora dla mobilità per diretëures y maestri ie me un n pont de chëi che ie unic rujenei cun l Assessëur Mussner. Rujenà iel pona nce unit dla pusciblteies che ie unides a se l dé tres la normes de atuazion nueves: n pont mpurtant de chëstes fova l junté prò dl suplemënt provinziel y l fond de pension. Ai rapresentanc di diretëures ti sta a cuer de slargé ora la cumpetënzes di dirighënc de scola, dantaldut per chël che à da n fé cun i mesuns a desposizions. I diretëurs dëssa giapé na majera autonomia de decijion, per ejëmpl pra la furmazion, pra i pesc’ sun la prestazion o canche la se trata de cherdé nsenianc per nceires spezieles. „I dirighënc dla scoles dëssa dantaldut giapé plu autonomia canche la se trata de cualtità. Per si funzion mpurtanta de manager tla scola se meriti de plu recunesciënza“, nsci l Assessëur Florian Mussner. A una foven che n dëssa abiné soluzions nueves per duvieres pedagogiches speziei sciche per ejëmpl i proiec. Sëuraprò cunsiëia i rapresentanc di diretëures de dé na definizion nueva ala Ntendënza y ai servijes. La funzion de consulënza di servijes dëssa a uni maniera unida slargeda ora, de chësta minonga ie nce l Assessëur Mussner.

USP

Galaria dales fotografies