Atualità
L ann de scola 2023/24 te si dac, cumpëides i numeri
Passa 98 percënt di sculeies dla scola elementera y mesana de rujeneda tudëscia y passa 85 percënt di sculeies dla scoles autes y prufesciuneles ie tl ann de scola 2023/24 passei.
De ndut 2.352 mutons y jëuni ie jic te na scola de rujeneda ladina: mé cater di 1.174 sculeies y sculées dla scola elementera ne n’ie nia passei. Nce pra la scoles mesanes cun si 661 sculeies y sculées iel passà 99,7 percënt. Di 230 sculeies y sculées lascei pro al ejam ie 229 bele passei pra l ejam de scola mesana, un n sculé muessa mo fé do l ejam a usc (l USP à bele repurtà). De ndut à 7 sculeies y sculées giapà la vutazion de "Diesc cun ezelënza".
Dut adum 517 jëunes y jëuni à fat na scola auta o prufesciunela tla valedes ladines. De chisc ie 87,03 percënt (416 jëunes y jëuni) di sculeies y dla sculées passei, 26 sculeies y sculées (5,4 percënt) muessa fé da nuef l ann de scola tla tlas da dant, pra 36 jëunes y jëuni (7,5 percënt) ie la dezijion unida spënta, che uel dì: i sculeies y la sculées muessa dan l scumenciamënt dl ann de scola nuef fé n ejam sëuraprò. Tla scoles prufesciuneles iel passà 82 percënt, ntan che 2,5 percënt ne n’ie nia passei, pra 15,3 percënt ie la dezijoin unida spënta. 104 sculeies y sculées (96 percënt) ie passei pra l ejam de maduranza, de chisc cater cun 100 ponc. Canche 3,7 percënt ne n’ie nia unii lascei pro al ejam de maduranza.
Te na scola de rujeneda taliana iel de ndut jit 18.777 mutons y jëuni de Südtirol (6.193 tla scola elementera, 4.192 tla scola mesana, 7.137 tla scola auta, 1.255 tla scola prufesciunela). Passa l 99% di sculeies y dla sculées lascedes pro ie passei pra l ejam dla scola mesana, 99,5 percënt de duta la maturantes y de duc i maturanc ie passei pra l ejam de maduranza.
Tla scoles de rujeneda tudëscia tla provinzia de Bulsan iel jit, tl ann de scola permò passà, de ndut 53.447 sculeies y sculées: 20.642 dla scola elementera, 12.281 dla scola mesana, 12.520 dla scola auta, 8.004 dla scola prufesciunela. Chëstes la cumpëides dl ann de scola passà. 3.948 ie passei pra l ejam statel de scola mesana (98,8 percënt), pra l ejam de maduranza iel passà 97,06 percënt, o, te cumpëides: 2.677 dla scoles autes y dla prufesciuneles.
I diretëures dla trëi direzions de scola à metù sun mëisa chisc dac ai 22 de lugio pra la cunferënza stampa cun i trëi assessëures provinziei.
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/red/ck
