Atualità
Di dla scola ladina ai 30 de agost te Sëlva
N argumënt che giapa na gran mpurtanza ntan chësc ann de scola ie la nteligënza artifiziela y coche la vën tl daunì senteda ite tla istruzion ladina.
SËLVA (USP). L di dla scola ladina, chëst ann ai 30 de agost, sënia l scumenciamënt dl’ann de scola 2024/25 dla scoles y dla scolines de Gherdëina y dla Val Badia. N argumënt che giapa na gran mpurtanza ntan chësc ann de scola ie la nteligënza artifiziela y coche la vën tl daunì senteda ite tla istruzion ladina.
L di dla scola ladina scumëncia cun la paroles de salut da pert dl Vizepresidënt dla Provinzia y Assessëur per l'Istruzion, la Furmazion y la Cultura ladina Daniel Alfreider y la Diretëura dl Departimënt Ntendënza y Cultura ladina Edith Ploner. Dedò tol la Ntendënta dla scoles y dla scolines ladines Ploner y l Ispetëur per la scoles ladines Albert Videsott la parola per dé mpulsc y cunsëies per scoles y per scolines ladines te na perspetiva che cëla tl daunì. La relazion "IA e didattica – il futuro dell’educazione con l’intelligenza artificiale" dl prufessëur Gino Roncaglia ie l pont zentrel dl di. Ala fin porta la Ntendënta dla scoles y dla scolines ladines Edith Ploner dant pensieres y reflescions sun perspetives puscibles y sun l svilup dl mond dl'istruzion tla valedes ladines.
La manifestazion vën meneda dala Diretëura dl Lizeum d'ert y dla Scola prufesciunela per l artejanat artistich "Cademia" Maria Teresa Mussner y dal Diretëur dl Istitut tecnich economich "Raetia" Bernhard Flatscher. La curnisc mujighela dl'inaugurazion dl ann de scola ie tla mans dl nseniant dla scola de mujiga de Gherdëina Martin Bonilla che sona pec ora de "L pitl prinz".
Per chësta manifestazion da festa se aspieten, dlongia i respunsabls dla scola, plu de 350 persones danter nseniantes, nsenianc y culaburadëures ora dl mond dl'istruzion ladina.
L di dla scola ladina vën tenì
ai 30 de agost
dala 09:00 ala 12:00
te Cësa de cultura „Oswald von Wolkenstein“
te Sëlva.
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/red
