USP – 22 ulenteres fej da d’ansciuda 2003 l curs „Cualificazion dl lëur de furmazion ti luesc“, metù a jì dal Ufize provinziel per la furmazion. Da permó à l assessëura per la cultura, Sabina Kasslatter Mur pudú sëurandé tla calonia de Bulsan l atestat de avëi fat chësta furmazion.
L’assessëura Kasslatter Mur cun i chëi che à fat pea l curs „Cualificazion dl lëur de furmazion ti luesc“
„Sce la furmazion ie n bujën per uni un y una, po vel chësc mo de plù per chëi che se cruzia de furmazion. Ti luesc iel gran pert che per ulentariat - te si tëmp liede y zënza paiamënt - lëura per chësc fin garantian l dërt de furmazion per la jënt dl luech“. Sun chësc pensier à l assessëura Kasslatter Mur dat pëis pra la pitla festa de contlujion dl curs. Rengrazian per l lëur y mpëni tla furmazion di granc a bën dla comunità, à l’assessëura sëurandat i atestac de partezipazion a 22 persones.
Tl’ancuntedes de n di y de n di y mez iel unì dat pëis ai argumënc de majera mpurtanza per ulenteres tl ciamp dla furmazion. Danter auter iel unì tëu’ tres argumënc scihe la comunicazion, l lëur de grupa, la proietazion de manifestazions, la relazions publiches, l finanziamënt o la funzion dl nciarià te si luech.
N vënderdi, ai 21 de mei ie à chësta 22 persones pudù pië do l atestat che desmostra de avëi fat la furmzion: Monika Kelder (Urtijëi), Frieda Vikoler Plieger (Laion), Anna Elisabeth y Adam Wallnöfer (Glurns), Simone Kirsten Federspiel (Reschen), Elisabeth Hillebrand Gamper (Bulsan), Hildegard Gross Trenner (Klobenstein), Ulrike Grüner Kofler (Kastelbell/Tschars), Heinrich Gurschler (Kastelbell/Tschars), Susanne Huber (Mühlen/Sand in Taufers), Elisabeth Kuntner Oberhofer (Tarsch), Edith Kuppelwieser Weithaler (Tarsch), Rosa Müller Gabloner (Terlan), Andrea Nicoli (Bulsan), Christine Niederholzer Valentin (Glurns), Rita Oberhauser Tauber (Natz-Schabs), Rita Pfitscher Mayr (Natz-Schabs), Katharina Pichler Donà (Kastelbell/Tschars), Andrea Profanter (Freienfeld), Margit Schwienbacher Hillebrand (Latsch), Sabina Stocker Prugger (Aldein), Verena Überegger (Freienfeld) y Annemarie Vieider (Karneid).
USP
Galaria dales fotografies
L’assessëura Kasslatter Mur cun i chëi che à fat pea l curs „Cualificazion dl lëur de furmazion ti luesc“
