Atualità
Ejaminazions per l’azetanza de proiec de furmazion ESF
USP – Per giapé n’azetanza definitiva de „proiec ESF“, proiec de furmazion sustenì dal Fond soziel europeich, iel dant debujën di ejaminé plu avisa. La dumandes per l ejaminazions che vën scumëncedes de juni, muessa unides dates jù nchin an n vënderdi de chëst’ ena, ai 28 de mei tl Ufize provinziel „ESF“.
Pra la ejaminazions vëniel cialà dò sce i proiec mandei ite stimenea aldò dla diretives „ESF“. L’azetanza definitiva ie la cundizion per pudëi unì tëut n cunsciderazion al scrì ora di proiec per l tëmp 2005/06. Proiec de furmazion per culaburadëures ne possa nia fé pea l cuncors. La dumanda per l’ejaminazion che porta al’azetanza definitiva, possa unida fata tes internent sun la plates www.provinz.bz.it/esf, dajan ite l lema "Akkreditierung". L di per l’ejaminazion sun l post, vën fat ora cun l ejaminadëur. L ultimo di per de jù la dumandes de ejaminazion de juni, ie l vënderdi ai 28 de mei 2004. Per l’ejaminazions de lugio, toma l tëmp per fé dumanda ai 15 de juni. La dumanda muessa unida mandeda al ufize „ESF“ tla streda Gerber 69 a Bulsan, o per e-mail al fse-accredit-esf@provinz.bz.it. Per vel nfurmazion nplù possen to su cuntat cun i culaburadëures dl ufize per l Fond soziel europeich, ai numri de telefonn 0471-413 126, 0471-413 140 o 0471-413 191.USP
