Atualità

Scora / Cultura | 26.08.2004 | 08:05

L cudejel nuef sun la frumazion prufesciunela ie dan man

Dal’eletronica al nglëisc, nchin al prim aiut ie duta la pusciblteies de furmazion prufesciunela pra la scoles prufescioneles da abiné te n cudejel nuef. Chësc ie unì dat ora dala Ripartizion provinziela per la furmazion prufesciunela tla rujenda ladina y tudëscia. Da n struf ie l cudejel da giapé te duta la scoles prufesciuneles.

Doi iedesc al ann vën dat ora l cudejel di cursc de furmazion prufesciunela. Tlo vëniel presentà duta la furmazion dla scoles prufesciuneles cun nce i proiec che vën finanziei dal fond soziel dl’Union Europea. I ponc zentrei dl cudejel ie l’eletronica, la nfurmatica, l nglëisc, la segurëza tl lëur, ma nce la gastronomia, cumerz y management, artejanat, ndustria y frabiché, la cura dl corp y l soziel. L zënter de coordinazion per la furmazion prufescionela ESF/EU se à cruzià deberieda cun la grupa de lëur per la furmazion prufescionela de dé ora chësta publicazion. La grupa de lëur ie metuda adum dai cunlaburadëurs dla ripartizion provinziela y dai nsenianc dla scoles prufesciuneles. L zënder de coordinazion sustën i pruvedimënc per la furmazion prufescionela che ie de utl per la streda prufescionela, sciche la furmazion per auzé l livel, mparé n mestier nuef o per se adaté ala esigënzes nueves. L cudejel ie da abné te duta la Scoles prufescioneles dla Provinzia y tla majera pert dla istituzions pulics. Nteressei possa nce passé a la to tla Ripartizion provinziela per la furmazion prufesciunela, streda Dante 3 a Bulsan. Chëi che stà ora de zità possa se la lascé mandé l cudejel debant per posta; l apusté possen tres internet sota www.provinz.bz.it/berufsbildung.

USP

Galaria dales fotografies