Atualità
Scioper tles scores ladines
34 insegnantes y insegnanc dla scora elementara y mesana dles valades ladines à tut pert al scioper nazional protlamè incö lönesc, ai 15 de novëmber 2004. “Tles scores altes n’él stè degügn insegnanc che à tut pert” à lascè al savëi l’Intendënza ladina.
De 43 insegnantes y insegnanć dla direziun raionala de Sëlva à 16 tut pert al scioper. Tla direziun raionala de Urtijëi é la partezipaziun al scioper stada minima: de 98 insegnantes y insegnanć dla scora elementara y mesana nen él ma stè sis che à fat scioper. Bassa é inće stada la partezipaziun al scioper tla direziun raionala d’Al Plan de Mareo, olache ma cater sön 78 insegnates y insegnanć à scioperè. Presciapüch n terzo dl personal insegnënt (ot sön 25) à partezipé al scioper tla direziun raionala de Badia. Anfat a nul é stada l’adejiun al scioper tles scores altes de Gherdëna y Badia, aladô di dać dla Intendënza ladina.USP
