Atualità
Pedagogia por l’infanzia: referat te Gherdëna ai 17 de merz 2005
USP - Co se svilupëia pa i pici mituns, co ési pa bogn da imparè y ciünes é pa les metodes educatives plü adatades? De chëstes chestiuns rajonarà le professur Wassilios Fthenakis dl’Université da Porsenù tla incuntada sön la pedagogia por l’infanzia che gnarà tignida ai 17 de merz 2005 a S. Cristina. I referac vëgn organisà dala direziun dla scolina “Ladinia”.
La pedagogia por l’infanzia se conzentrëia sön mituns y mitans sot ai sis agn, sön sü geniturs y sön d’atres istituziuns che se dà jö cun de pici mituns sciöche por ejëmpl la scolina. Ai 17 de merz 2005 dales 20.00 podaràn ascutè sö le professur Fthenakis dl Université da Porsenù che stlariarà les sfidades nöies por geniturs, educadësses y educadus dla scolina tl salf de comun de S. Cristina. Chësc referat vëgn metü a jì dala direziun dla scolina “Ladinia” y vëgn tignì por todësch. Dötes les porsones interessades po tó pert debann.USP
