Atualità

Les iscriziuns porl’ejam de ladin dl’Intendënza scolastica ladina é davertes cina ai 8 de jená dl 2021. La proa scrita dl ejame é preodüda por forá dl 2021.

De setëmber é jüdes online les prömes plates internet dles scores profescionales dla Provinzia. Sëgn él ciamó cater scores che se presentëia sön internet cun na iesta plü moderna.

La Provinzia de Balsan á alzé le contribut por artisć profescionisć lëdi da 2000 a 3000 euro. Al é ciamó tëmp cina la fin dl ann por fá la domanda de contribut.

Les operes de önesc artistes y artisć dl Südtirol gnará mostrades tles vidrines de Young Inside y Spazio a Balsan. Le proiet é nasciü da na colaboraziun danter i trëi grups de lingaz.

Les iscriziuns por le secundo curs de formaziun por arjunje l’abilitaziun da insigné por insegnantes y insegnanc dles materies MINT y dl lingaz talian é davertes.

500 euro al ann ciafará artisć y artistes dala Regiun che ó ativé na ponsiun compelmentara. I cater assessurs por ala cultura dla Regiun sotlignëia l’importanza dla mosöra.

Da en mertesc ai 24 de novëmber sarál indô les leziuns en presënza tles scores elementares. Al metará man ince les ativités en presënza tles scolines y tles strotöres de assistënza cina ai 3 agn.

Tl’edema passada él gnü registré 12 caji de infeziuns nöies da Sars-Cov-2 tles scolines y scores ladines.

Tles scolines y scores ladines él indöt le 8,6 porcënt tles scolines y le 10 porcënt dles scores elementares dles mitans y di mituns che á garantí l’assistënza y l’insegnamënt en presënza.

Dai 16 ai 20 de novëmber é la didatica en presënza sospenüda. Al gnará garantí leziuns en presënza tles scolines y scores elementares por i mituns de n valgönes categories de sorvisc essenziai.