Competënza interculturala y laur cun la jonëza
Le laur intercultural cun la jonëza é n laur cun la jonëza che liëia adöm, che cheriëia na ciasa por düc y che dëida superé na spartiziun culturala. Por ademplí chësta inciaria adoron na competënza "sensibla por la cultura", che porta pro a capí i atri y a sostigní le dialogh intercultural.
Se dé jö cun les cultures desvalies de nosta provinzia é na condiziun fondamentala por capí la culissa d'imigraziun di mituns y dles mitans y dla jonëza - dles südtirolejes y di südtiroleji nüs -, y por comuniché cun ëi te na manira adatada.
Düc i ciamps soziai, y dandadöt ince le laur cun la jonëza, vëgn sostignis por diminuí da öna na pert la tëma dan da n mudamënt y dal'atra l'emarginaziun.
Le dialogh intercultural se damana da ester bogn da comuniché cun porsones de d'atres cultures, zënza perde le sëns de prevalënza de nosta cultura, zënza avëi n’idea fissa di atri y zënza se temëi da perde süa identité canche an á n contat cun i foresć. L’important é savëi che vigni manira da ponsé, da agí y da se comporté depënn dales condiziuns personales y dala cultura dl paisc de provegnënza. Al ne se trata mai de na “cultura pura”, mo al é le produt de tröc influsc foresti y dl svilup. Nos dessun ti jí dlungia a dötes les porsones, y dandadöt a chëres che vëgn adalerch da cultures forestes, tignin cunt dles desfarënzies da respeté tl cheder di dërc fondamentai. Sce nos sun coriusc y un stima di foresć, spo ti alisirun l’azes a nosta cultura y a nostes particolarités.
Ofertes d'istituziuns por la jonëza
Informaziuns plü avisa chiló.
Convëgn de stüdi internazional
L’Ofize Sorvisc por la jonëza mët a jí sön inciaria dla rëi dl laur dla jonëza tl Südtirol y en colaboraziun cun la seziun Sozieté y Laur dla provinzia dl Tirol (ex JUFF) y cun le certl di jogn dl raiun dl Paiern Dessura n convëgn internazional sön la “Diversité” dai 6 ai 8 de dezëmber a Porsenú (manifestaziun suandënta al convëgn “Danter imigraziun y integraziun – Aprofondimënt de na prospetiva desfarënta sön le laur por la jonëza tl’Austria, tla Germania y tl Südtirol” dai 29 de setëmber ai 2 de otober dl 2016 a Igls.
FORUM 20:17
L’Ofize Sorvisc por la jonëza mët a jí en colaboraziun cun l’uniun Forum cualité de vita (Gerald Koller) n meeting FORUM 20:17 “jonëza: spidl: ressonanza” ai 9 y ai 10 de otober tl HUB 37 a Maran (en cooperaziun cun le sorvisc jonil de Maran).
Hallo Ciao Maroc
Le proiet pilot dl barat danter jogn “Hallo Ciao Maroc”, cun na sojornanza de n’edema a Rabat é gnü metü a jí dl 2010 y é ince gnü organisé cun suzes dl 2011, dl 2013, dl 2015 y dl 2016. Ince por l’ann 2017 vëgnel programé chësc barat danter jogn.
(jorantin y formular d’iscriziun 2017)
Bonjour Salam Südtirol
Dl 2012 y 2014 é la jonëza dl Maroch gnüda adalerch por vijité le Südtirol. Chësc program gnará ince metü a jí dl 2017.
- Barat Südtirol - Tirol - Israel 2010
- "Eine Brücke für den Frieden bauen" 2011
- "Roots and Wings for Youngsters: Tradition trifft Jugendkultur" 2012
- "Partizipation: Vom Gegen- und Nebeneinander zum Miteinander und Füreinander" 2013
- "Participation: be part an get active" 2014
- "Building Bridges" 2015
- "Bunte/eine/deine WELT“ 2016
- "Building Bridges" 2017
Maroch
Dl 2015 él gnü organisé dal Ofize Sorvisc por la jonëza en colaboraziun cun le certl dla jonëza dl Paiern, l’Ofize Sorvisc por la jonëza de Balsan, l’Ofize Sorvisc por la jonëza de Trënt y l’Ofize dla Junta provinziala dl Tirol, departimënt JUFF de Desproch, n iade de stüde por i spezialisć dl laur cun la jonëza dai 17 ai 24 de otober dl 2015 a Rabat.
Dl 2009 él gnü organisé por le pröm iade n iade de stüde tl Maroch por le personal che laora te chësc setur. Tratan chësc iade unse conesciü jones y jogn, rapresentantes y rapresentanc politics y personal che insëgna, i sun gnüs confrontá cun domandes sön le svilup sozial y i orôn capí les rajuns che porta la jonëza a s'un jí demez da so paisc. Da chësc pón capí trö damí le comportamënt de tröc de ëi por podëi spo interagí impara te na manira plü adatada.
Assoziaziun Bassma de Rabat
En relaziun al iade de stüde tl Maroch él nasciü n lian sterch cun le ministerê dla jonëza y l’assoziaziun d’interes publich Bassma tl Maroch, che á realisé y realisará inant proiec interculturai cun le Maroch.
Albania (nord)
Dl 2010 é stada l’Albania, le paisc da olache al vëgn adalerch le plü gran numer de imigranc, le travert dla jita scolastica. Atira dedô á i partezipanc y les partezipantes arjigné ca na mostra de fotografies, n video y na brosciüra y i á presenté te na sëra de informaziuns ala jonëza interesciada. I materiai pó gní imprestá fora.
Albania (süd)
Dl 2013 él ciamó n iade gnü organisé na jita scolastica tl'Albania, chësc iade cun na picia escursciun tla Macedonia.
Kosovo
Dl 2011 á i Ofizi Sorvisc por la jonëza organisé n iade por conësce le Kosovo, post da olache al vëgn ince adalerch tröc imigranc, suradöt porvia dla vera. I un ince albü l’ocajiun da se fá n’idea dl conflit danter les etnies, dla vita, dles mendranzes, sciöche ince dles condiziuns de vita dla jonëza do la vera.
La natöra liëia
Dl 2014 á l’Ofize Sorvisc por la jonëza organisé adöm cun l'ispertorat forestal de Maran y le VKE n’escursciun tl bosch por i imigranc dal Afganistan, dal Maroch, dala Tunesia, dala Romania y por families dl post. La basa de chësta manifestaziun ê l’idea che che ó se sintí da ciasa tl Südtirol l’á plü saurida sce al conësc y tol sö te süa vita la varieté y la belëza dla natöra y dla cultura dles munts.
Soghé por n’edema atramënter a batadú: döes cultures a confrunt
L’Ofize Sorvisc por la jonëza á programé de forá dl 2008 adöm cun l'OEW "iSoghé por n'edema atramënter a batadú. Döes cultures a confrunt" y l’á metü a jí te plü zëntri dla jonëza. Sön domanda vëgnel pité inant n’introduziun al carté dl Maroch.
4 = 1: cater manires de dí – un n senificat
Le calënder intercultural cun manires de dí por todësch, talian, ladin y arabich é gnü publiché dl 2010 y 2011 dal’Organisaziun por n monn solidar OEW adöm cun l'Ofize Sorvisc por la Jonëza.
Barat de informaziuns
L’Ofize Sorvisc por la jonëza á organisé adöm cun la ciasa dla cultura Kassianeum, l'UFO, le NETZ y le Forum Prevenziun n proiet de barat de informaziuns. Döes porsones dl Maroch che laora te chësc setur vëgn adalerch tl Südtirol por fá volontariat te n’organisaziun o te n zënter por la jonëza y insciö conësce le laur dla jonëza de nosc paisc.
Pedagogia sessuala interculturala
L’Ofize Sorvisc por la jonëza á metü a jí en colaboraziun cun la ciasa dla cultura Kassianeum n curs sön l’amur, la sessualité y i raporc te n contest intercultural. Chi che se dá jö tl ciamp pedagogich pó se confronté cun conzec morai y de valur de cultures desvalies y se damané, ci faziun che la provegnënza y la religiun á en relaziun al corp y ala sessualité dla jonëza.
La moderaziun de chësc curs vëgn fata da mediadësses y mediadus interculturai, che trata adinfora di argomënc bele nominá, ince l’idea dl ses y la funziun dla familia te sozietés arabiches, indo-pachistanes y albanejes. Implü á la pedagoga sessuala Lucyna Wronska y l’avocata Marcella Pirrone ince tigní n referat.
Le curs é gnü metü a jí dal Ofize Sorvisc por la jonëza y é gnü sostigní dal'Intendënza. Porsones che ti stá dlungia a mituns, mitans, y ala jonëza che vëgn da paisc desvalis, pó baié de tematiches da vigni de zities y respogne a domandes sön l’amur, la sessualité y i raporc. Por podëi fá chësc adoron na competënza spezialistica dla culissa culturala y plü sigurté por se dé jö cun döes generaziuns che se möi danter cultures desvalies o tl miú di caji danter plü cultures.
Consulënza interculturala
- informé
- ti sté dlungia
- daidé se orienté
- se dé jö cun la cultura foresta
- situaziuns de conflit cun d'atri jogn y d’atres jones
- situaziuns de conflit cun i geniturs
- vijiun generala dl Südtirol
- volontairat
Pic-Group
Chësta plataforma online é gnüda realisada dal PIC-group.
Le PIC (PraxisInterCultura) group é n grup de laur che tól ite de plü grups linguistics. Al é metü adöm da rapresentanc y rapresentantes d’istituziuns dl laur cun la jonëza dl Südtirol, che se incunta da d'altonn dl 2010 inant plü o manco 3 iadi al ann por se baraté fora sön le laur intercultural dla jonëza y por mëte a jí proiec deboriada.
Le grup é dinamich, chël ó dí che les rapresentantes y i rapresentanc interessá d’istituziuns südtirolejes dla jonëza é dër bel inviá a tó pert ales incuntades dl PIC-group. Al basta tó sö contat cun la porsona che á al momënt l’inciaria. Contat
Tl PIC-group vëgnel rapresenté regolarmënter chëstes istituziuns:
- Ofize Sorvisc por la jonëza - www.provinz.bz.it/jugendarbeit
- Comunité de laur dl sorvisc jonil AGJD - www.jugenddienst.it
- Zënter dla jonëza TILT - www.lastrada-derweg.org/154d427.html
- n.e.t.z. rëi di zëntri dla jonëza dl Südtirol - www.netz.bz.it
- Sorvisc dla jonëza decanat Balsan - www.jugenddienst.it
- Zënter dla jonëza y dla cultura Bunker - www.comune.bolzano.it/giovani_centri.jsp?ID_LINK=435&page=3&area=89
- Zënter dla jonëza FLY - www.juzefly.it
- Zënter dla jonëza Jux - www.jux.it
- Zënter dla jonëza Naturns - www.juze-naturns.it
- Zënter dla jonëza Papperlapapp - www.papperla.net
- Zënter dla jonëza y dla cultura UFO - www.ufobruneck.it
- VKE – Ciasa-jüch Mignone - www.vke.it
- Jonëza Kolping Südtirol - www.kolping.it
- Zënter dla jonëza y dla cultura Kuba - www.kuba-kaltern.it
Plü o manco 10 d’atri zëntri y assoziaziuns tol pert ma vignitant a nostes incuntades por rajuns de tëmp.
La secunda incuntada dl PIC-group da chësc ann é stada en mercui, ai 10 de ma dales 9.00 ales 17.00 tl zënter dla jonëza Insel.Isola a Fie.
La proscima incundada dl 2017 é en mercui, ai 18 de otober.
Porsona de referimënt
Por domandes sön le vire adöm a grups linguistics y cultures desvalis pól gní tut sö contat cun l’Ofize Sorvisc por la jonëza, che colaborëia cun l’ofize talian.
Reladus y reladësses
- Ana Agolli Cela, mediadëssa interculturala, tematica zentrala Gender y Albania: Tel. 340 4190141, E-Mail: ana.cela@libero.it
- Sonja Cimadom, reladëssa d’educaziun pro l’OEW – Organisaziun por n monn solidar. Tel. 0472 208208, E-Mail: sonja.cimadom@oew.org
- Uniun Ëres Nissà – salidarieté adöm cun ëres da foradecá. Strada Cagliari 22/a, 39100 Balsan, Tel. 0471 935444, E-Mail: donnenissa@dnet
- OEW – Organisaziun Un n monn, Porsenú, Tel. 0472 833950
Istruziun y formaziun suplementara
Tla Ciasa dla jonëza Kassianeum vëgnel pité manifestaziuns sön le laur intercultural.
Letöra
- Abdelouahed El Abchi: Zwei Kulturen ins Spiel bringen. Watten, Runda, Mau-Mau und Futak. Ein Beitrag zur Integration. Raetia 2008
- Elisa Betti Pavone: Lebensgeschichten von Frauen. In sospensione tra due mondi, Hrsg. Region Trentino Südtirol
- Johanna Ehlers, Ariane Bentner, Monika Kowalsczyk (Hg.): Mädchen zwischen den Kulturen. Anforderungen an eine Interkulturelle Pädagogik. Edition Hipparchia
- Jugendzentrum Papperlapapp (Hrsg.): Intercult. Wissenschaftliche Grundlagen und Praxiserfahrungen zur interkulturellen Jugendarbeit. Ein- und Ausblicke für die Jugendarbeit in Südtirol. 2006
- NEUE HEIMAT. Migration in Südtirol. An pó se impresté fora i films en DVD sön la tematica dl’imigraziun y dl laur, di interesc soziai, dla familia/dla scora/dla jonëza tl Ofize Laur por la jonëza
- 4 = 1 cater manires de dì – un n senificat; le calander intercultural cun manires de dí por todësch, talin, ladin y arabich
