Laur cultural dla jonëza
Ci determinëia pa aldedaincö la vita da vigni de dla jonëza? N ciamp ampl y desvalí de cultures modernes dla jonëza, che vëgn nominé ince scena. HipHop, Fitness, Techno, Skatebord … ai se rapresentëia instësc y se mët en scena tres simboi y codesc, mo ince tres valurs speziai y filosofies de vita individuales.
L’inciaria dl laur tradizional dla jonëza é chël da integré les scenes, che pó ester a pröma odüda forestes y incompres, tl cheder istituzional dl laur dla jonëza. Na cultura dla jonëza tan definida porta a conflic. Contradiziuns pó gní superades tres na avisada padagogica y comunicativa. Le travert politich: l’incuntada cun cultures dla jonëza tolerantes dess insigné da ester daverc a na sozieté multiculturala y d’avëi n comportamënt nia razist.
Inciaries dl Ofize Sorvisc por la Jonëza
L’Ofize Sorvisc por la jonëza sostëgn le laur cultural dla jonëza te na manira dër ampla: laurs tla rëi internet, sostëgn finanziar por proiec, publicaziun de mediums sciöche ince de material d’informaziun y de leteratöra sön chësc argomënt.
Sostëgn y ofertes por colaboradus y coladoradësses a tëmp plëgn y che laora tl volontariat
Tres le program de cultura dla jonëza pó i zëntri dla jonëza prenoté manifestaziuns y workshops (musiga, teater, ativités creatives y i. i.)
Istruziun y formaziun suplementara: tla ciasa dla jonëza Kassianeum vëgnel pité chëstes formaziuns: www.jukas.net
Letöra
- Deutsche Shell (Hg.) 50 Jahre Shell Jugendstudie. 2014
- Archiv der Jugendkulturen e.V. (Hg.) 50 Jahre BRAVO. 2005
- "Jugend 2015", Fischer Taschenbuch Verlag, ISBN 978-359603401
- www.jugendkultur.at
- www.jugendkulturen.de
