Prevenziun
Cun le conzet de prevenziun él miné en general strategies ti seturs dl sozial, dla sanité y dla iustizia che á le fin prinzipal da smendrí o da eliminé risć prigorusc.
La prevenziun da dependënzes se crüzia de formes desvalies dla dependënza. La dependënza é n problem coletif che atoca döta la sozieté te seturs sciöche la sanité, le sozial, la familia, la jonëza, la segurëza, l’economia y le laur.
N setur important dl laur por la jonëza é laur de prevenziun: al dess gní cherié les condiziuns generales, a na moda che la jonëza pois se svilupé te na manira lëdia. Tl setur dla prevenziun de dependënzes vëgnel insciö svilupé strategies y conzec por valorisé les ressurses dla prosona te n contest sozial y istituzional stabil. Comportamënc dependënc te sües formes plü desvalies dess gní tignides fora.
Sostëgn y sorvisc por colaboradësses y colaboradus volontars a tëmp plëgn
L’Ofize Laur por y cun la jonëza é n partner costant de proiec de prevenziun de dependënzes y laora adöm cun le Forum Prävention . L’Ofize provinzial é la sënta de referimënt por dötes les porsones y istituziuns tl Sütirol che ó fá de pici o gragn proiec de prevenziun, de informaziun y de consulënza tl setur.
