Atualità
Jügn cun temperatöres da record y tröc temporai
Le mëis de jügn dl 2017 gnará recordé sciöche le secundo plü cialt do da chël dl 2003 y sciöche le plü rich de temporai dai ultims diesc agn.
“Les temperatöres mosorades tl mëis de jügn é stades de 2,5 degrá sura le valur mesan dla perioda 1981 – 2010”, spliga le meteorologh Dieter Peterlin dl Sorvisc meteo dla Provinzia. “Ince sce les temperatöres s’á arbassé ti ultims dis gnará le mëis de jügn recordé sciöche le secundo plü cialt do le mëis de jügn dl isté da record dl 2003”, dij Peterlin.
La temperatöra plü alta tratan chësta ona de cialt é gnüda registrada ai 24 de jügn a Balsan cun indöt 37,2 degrá. La temperatöra plü basa é gnüda registrada indere ai 6 de jügn tla Val de Puster tla localité S.Vito de Braies cun -0,6 degrá.
Les plöies di ultims dis á contribuí da smendrí la süta dles ultimes edemes. Le bilanz dla plöia dl mëis de messé é te tröpes localités tla mesaria dla sajiun da d’isté. Le numer di temporai cun sura 29mile tarlis é le plü alt tl mëis de jügn di ultims diesc agn.
USP
