Atualità
-
Dala Junta: varianta Val de Riga, STA inciariada cun la proietaziun
La Junta provinziala á aprové incö (ai 24 de novëmber) le schema de convenziun che regolëia les modalités dles proietaziuns dl coliamënt danter la linia dla ferata de Puster cun chëra dl Prener. Le finanziamënt de 1,5 miliuns de euro vëgn dal program de mosöres de compensaziun ambientales por la realisaziun dl tunel de basa dl Prener.
-
Kompatscher a Viena: renforzé y svilupé l’autonomia adöm cun l’Austria
Dla revijiun dl Statut d’autonomia do la reforma costituzionala y dl’acordanza á baié le presidënt dla Provinzia Arno Kompatscher incö (ai 23 de novëmber) a Viena cun le presidënt dla Republica austriaca Heinz Fischer, le vize-canzelier Reinhold Mitterlehner y le minister por l’Ester Sebastian Kurz.
-
Scomenciadies por le De cuntra la violënza sön les ëres
Les scomenciadies organisades a livel provinzial por recordé le De mondial cuntra la violënza sön les ëres é gnüdes presentades incö ai 23 de novëmber a Balsan. Öna dles mosöres prinzipales é por l’assessuria provinziala por l’avalianza dles oportunités Martha Stocker la prevenziun.
-
Presentaziun Unités didatiches por la scora alta ai 30 de novëmber
Le Ciamp Inovaziun y Consulënza tl Departimënt Educaziun y Cultura ladina inviëia düc i interessá ala presentaziun dles unités didatiches nöies de ladin por la scora alta en lönesc, ai 30 de novëmber dl 2015, dales 15.00 tl Museum Ladin Ciastel de Tor. Ala presentaziun tolarál ince pert l’assessur ladin Florian Mussner, l’intendënt Roland Verra y le diretur Felix Ploner.
-
18ejimo De di Cronisć – Mussner „Le cronist é la memoria dl paisc“
Por se dé jö cun i avenimënc y le svilup dles localités dl Südtirol s’á incunté incö, vëndres ai 20 de novëmber, söporjö 100 cronisć en gaujiun dl 18ejimo De di Cronisć dl Südtirol. L’assessur Florian Mussner á rengrazié i cronisć por so laur de racoiüda volontar por i paisc dla Provinzia y ti á surandé n’onoranza por i gragn miric te chësc setur ince a siur Christian Moroder.
-
Strotöres nöies por l’acoliënza di migranc
La Provinzia á albü tles edemes passades de plü contac cun Comuns desvalies por ci che reverda la realisaziun de storöres ajuntives d’acoliënza por porsones che damana do asil y por sostigní na miú spartiziun di profugs assegná dal govern ala Provinzia.
-
Fondaziun Dolomites UNESCO, cina la fin dl ann strategia por le turism
La mobilité y l’elaboraziun de n plann strategich por n turism sostenibl cina la fin dl 2015: chisc é stá i temesc dla reuniun dl Consëi d’aministraziun dla Fondaziun Dolomites UNESCO, cun a cé l’assessur dl’ambiënt Richard Theiner, inier (jöbia ai 19 de novëmber) a Ampëz.
-
Dis dla Porta daverta: les scores altes y profescionales se presentëia
N codejel, da desciarié ince online, cöi adöm dötes les informaziuns sön i Dis dla Porta daverta y les manifestaziuns d’informaziun desvalies organisades dai lizeums, dales scores altes, dai Istituc tecnics y profescionai por i scolars y les scolares dla terza mesana y i geniturs che mëss chirí fora so percurs de formaziun cina ai 15 de merz dl 2016.
-
Avalianza dles oportunités: domandes do n contribut cina ai 21 de dezëmber
La Provinzia conzed contribuc por la realisaziun de proiec che sostëgn la formaziun y l’ajornamënt dles ëres, la sensibilisaziun dl’opiniun publica sön la tematica dl’avalianza dles oportunités y la cultura feminina. Les domandes do n contribut pó gní presentades cina ai 21 de dezëmber pro l’Ofize Sorvisc Ëres dla Provinzia.
-
55 proiec Euregio tl 2016: mobilité, cultura, jogn, lingac
Mobilité y ambiënt, archirida y inovaziun: chisc é i seturs olache l’Euregio Tirol-Südtirol-Trentin ampliará süa colaboraziun, cun n’atenziun particolara ala tematica di migranc. Les deliberaziuns te chisc seturs é gnüdes aprovades incö (ai 18 de novëmber) dal GECT a Bruxelles, olache la presidënza é passada dal Tirol al Trentin. L’agenda 2016 prevëiga 55 proiec por 2,5 miliuns de euro.
