Atualità

En gaujiun dl De internazional di dërc dl’infanzia, che vëgn tigní ai 20 de novëmber, á l’assessuria provinziala por les politiches soziales Martha Stocker y chëra por la familia Waltraud Deeg alzé fora che les mitans y i mituns á le dërt da avëi a na familia che i dëides crësce sö cun amur, proteziun y segurëza.

La presënza deboriada a Bruxelles dl Tirol, Südtirol y Trentin complësc 20 agn. N bilanz dla colaboraziun suraregionala y i proscims vari é stá tl zënter de n’incuntada incö da sëra (17/11) tla sënta dl’Euregio di presidënc Günther Platter, Arno Kompatscher y Ugo Rossi adöm cun i comissers dl’UE Hahn y Hogan, y cun de plü ghesć dla politica, economia y dl’UE.

Le Sorvisc EURES dla Repartiziun Laur mët a jí en lönesc ai 23 de novëmber tl Zënter de mediaziun al laur a Balsan (strada Gamper 1) la manifestaziun d’informaziun „European Job Day 2015“ dedicada ai jogn che á intenziun da lauré y studié foradecá.

Ala fin dla sentada edemala dla Junta provinziala ne él indoman (ai 17 de novëmber) preodü degöna conferënza stampa por ti pormët insciö a na delegaziun dla Junta da joré a Bruxelles, olache al é sön le program döes incuntades: le bilanz por i 20 agn dala fondaziun dla sënta de rapresentanza dl’Euregio y la sentada dl GECT Tirol-Südtirol-Trentin por definí l’agenda 2016.

Le proiet „Renforzé les families“ se dá jö atualmënter cun la tematica dla separaziun y dl devorz. En lönesc ai 23 de novëmber gnarál insciö organisé la secunda incuntada cun i aturs prinzipai de chësc setur dla familia. Al tolará pert al’incuntada l’assessuria por les families Deeg, la presidënta dl Tribunal provinzial de Balsan Elsa Vesco y la vicar dles families da denant Jürgen Rudolph.

Le sorvisc dl trasport assegné cun apalc en acordanza cun na concorënza regolamentada, sciöche preodü dal UE, la cualité alta dl sistem dl trasport publich local, la sconanza di dependënc y lauranc: chisc é por l’assessur Mussner i punc prinzipai dla lege sön la mobilité nöia aprovada incö (ai 13 de novëmber) dal Consëi provinzial.

Dai 24 ai 28 de novëmber y dai 30 de novëmber ai 4 de dezëmber sará la strada statala de Gherdëna 242 danter Tlüses y Pontives stlüta de nöt te trames les direziuns. La stlüta sará dales 21.00 ales 06.00 y reverda trates ti Comuns de Tlüses y Laion che mëss gní sarades por fá relevaziuns tles galaries por podëi fá daldô laurs de ressanamënt. Chësc vëgn comuniché dala Repartiziun Infrastrotöres.

Al toma ai 22 de dezëmber le termin por la pesentaziun de domandes por la conzesciun de stipendiums a bëgn de studënc che frecuentëia cursc aldinfora dla Provinzia de Balsan, dla scora alta o de cursc de formaziun profescionala a tëmp plëgn. A desposiziun por curí les domandes él indöt 400.000 euro.

N dumëmia, ai 15 de nuvëmber, à la populazion de Natz-Schabs y de Urtijëi la puscibltà de lité l ambolt y l cunsëi cumenel nuef. L Presidëmt dla Provinzia Arno Kompatscher nviëia la zitadines y i zitadins a se nuzé dl dërt de lité.

N renforzamënt dla posiziun söl marcé internazional, le sostëgn dles ativités d’archirida y de inovaziun y la garanzia de personal cualifiché: chisc é i fins dl’acordanza danter la Provinzia y la sozieté Fraunhofer Talia, che fej laurs d’archirida da bele cinch agn a Balsan. I punc prinzipai dles ativités 2015-18 é gnüs presentá incö (ai 11 de novëmber) a Balsan.