Atualità
-
Stocker: „Sensibilisé les families por les adoziuns“
La poscibilité da ti dé na familia a n möt/na möta é la chestiun zentrala dl’adoziun. Cun na campagna de sensibilisaziun nöia y le slogan „Na storia n pü’atramënter: mia adoziun“ á l’assessuria Martha Stocker presenté incö (09/04) chësta forma particolara de relaziun familiara por sensibilisé i zitadins sön chësta tematica.
-
ComunClima: Start por le zertificat de efiziënza energetica nü
Le cambiamënt dl clima é na sfidada atuala, a chëra che an mëss ti respogn cun mosorës efiziëntes. Öna de chësta mosöres é ComunClima, na zertifcaziun energetica planificada por sostigní i Comuns tl vers de n svilup ecologich. „Chi che investësc por sconé l’ambiënt ara vantaji tl dagní“; á sotligné l’assessur por l’ambiënt Richard Theiner incö (09/04) tratan la presentaziun dl zertificat nü.
-
Centená dla Pröma Vera Mondiala: Domandes y respostes söl portal dl’Euregio
www.14-18.europaregion.info: Chësta é la misciun dl portal dediché al centená dla Pröma Vera Mondiala dal’Euregio Tirol-Südtirol-Trentin. Sot ala seziun „Let’s talk“ él poscibl da ciafé vigni mëis temesc nüs cun plü domandes y respostes. Tl mëis de aurí nen vara dl rode dles ëres tratan la perioda de vera dal 1914 al 1918.
-
Presentaziun de proiec por renforzé i jogn cun problems de comportamënt
Sura 2.000 mituns y porsones jones cun problems de comportamënt é gnüdes curades te Südtirol tl 2014. Te n’incuntada cun i media él gnü presenté incö, mercui ai 8 de aurí , les scomenciadies y i proiec por renforzé le sostëgn dantadöt de porsones jones cun patologies psichiatriches.
-
Record de vijitadus pro la show di ponjins tl Museum Natöra
Grana é stada l’afluënza ala show di ponjins tl Museum Natöra a Balsan che é jüda a fin en Lönesc de Pasca, ai 06 de aurí. Cun indöt 18.636 entrades é stá i vijitadus chësc ann sura le dopl tan tröc co tratan l’ediziun 2011. Al é le numer plü alt de vijitadus dala pröma mostra di ponjiuns dal 2001, tröpes é stades les families y i mituns.
-
Conferënza „Ëres informades“ : Les dates por le mëis de aurí
La Comisciun provinziala por l’avalianza dles oportunites y le Sorvisc Ëres mët a jí tl mëis de aurí na seria de conferënzes dal titul „Ëres informades“ en colaboraziun cun i Comuns y les organisaziuns locales. La pröma manifestaziun dl mëis é na conferënza sön co condüje n discurs de suzes ai 9 de aurí a Eppan.
-
Alpeuregio Summer School: iscriziuns cina ai 15 de aurí
Cina ai 15 de aurí pon se scrí ite ala Alpeuregio Summer School che ti dá la poscibilité a jogn laureá, y por le pröm iade ince a studënc, da fá n’esperiënza direta a contat cun les istituziuns politiches dl’Uniun Europeica. Les domandes po gní dades jö cina ai 15 de aurí.
-
Proscima edema ne sarál degöna sentada dla Junta provinziala
En gaujiun di dis de festa de Pasca ne sarál proscima edema degöna sentada dla Junta provinziala, che s’incuntará indô en mertesc ai 14 de aurí.
-
Lingaz y stil dl jornalism da sensaziun: Referat tla Teßmann
La Biblioteca provinziala Teßmann da Balsan organisëia en colaboraziun cun l’assoziaziun “Deutsche Sprache / Zweig Bozen” na sëra d’informaziun dal titul “Lingaz y stil dl jornalism de sensaziun” cun le germanist Andreas Wiesinger che mostrará sö les formes desvalies de publicaziun y les carateristiches tipiches dl jornalism da sensaziun. L’entrada é debann, le referat sará por todësch.
-
INVIT:Presentaziun dla campagna de sensibilisaziun che reverda les adoziuns
La conferënza stampa de presentaziun dla campagna de sensibilisaziun sön les adoziuns gnará tignida ai 9 de aurí dales 10 tl Auditorium dl Palaz provinzial 12 (strada Gamper 1) a Balsan en presënza dl’assessuria por les politiches soziales Martha Stocker.