Atualità
-
Contrat de sorvisc cun Trenitalia: Ferates nöies y sparagn de 1,7 miliuns
Cun condiziuns nöies à la Junta provinziala aprovè incö (02/12) le contrat de sorvisc por le trasport cun la ferata cun Trenitalia tl Südtirol por i proscimi agn: „Insciö sparagnuse tl dagnì anualmënter 1,7 miliuns, zënza che l’oferta y la cualité dl sorvisc vëgnes smendrides“, à splighé l’assessur por la mobilité Florian Mussner. Implü messarà Trenitala mëte a desposiziun ferates nöies.
-
Workshop sön la leteratöra ladina y süa traduziun dai 11 ai 13 de dezëmber
N moscedoz de lingac desvalis, n stè dlungia y deboriada, ladin, todësch, talian y inglesc sarà da d’aldì y odëi dai 11 ai 13 de dezëmber dl 2014 a S. Martin de Tor: La Repartiziun Cultura y Intendënza ladina y la Repartiziun Cultura todëscia organisëia adöm cun la ćiasa edituria Folio n workshop, olache ara nen va de leteratöra ladina y süa traduziun te lingac desvalis.
-
Segnal de start por la Macroregiun alpina: Kompatscher a Milan
De gragn vari inant él gnü fat inier (1° de dezëmber) tla direziun de na macroregiun alpina tratan la Conferënza de Milan olache al é gnü stabilì la pröma proposta de n plann d’aziun che à sciöche punć prinzipai le svilup economich, le trasport y l’ambiënt. Danter i 1000 delegà êl inier a Milan inće le presidënt Arno Kompatscher, la comissaria UE y i mëmbri dl govern.
-
Tles scores ladines à le 25,5 % fat para al scioper
Di 322 insegnanć dles scores ladines dla Provinzia da Balsan, ne à incö, lönesc al 1 de dezëmber, 82 nia laurè fajon para al scioper di impiegać publics. La porcentuala che à fat para a chësta protesta é insciö de 25,47 porcënt.
-
Dé mondial cuntra l’AIDS al 1° de dezëmber
Al vëgn sciazè che sön le monn él plü co 35 miliuns de porsones che s’à taché le virus HIV. Baldi ne él atualmënter degöna cura, mo al é poscibl da archité le svilup dla maratia cun medejines. „La prevenziun y l’educaziun é fondamentales, deache l’AIDS é tres ćiamò n prigo che ne po nia gnì sotvaluté“, à dit l’assessuria por la sanité Martha Stocker.
-
Abo+ cun funziuns nöies por studënć: Paiamënt ćina Desproch
Plü funziuns à da śëgn inant l Abo+ por studënć sura i 18 agn: cun l’ativaziun de na funziun de paiamënt aposta saràl poscibl da paié diretamënter cun la cherta dl Abo+ plü sorvisc dl trasport publich local, sciöche por ejëmpl la tarifa por le trasport dla roda y i iadi danter Prener-Desproch o Sanćiana-Lienz.
-
Le novëmber plü ćialt dal mëteman dles mosoraziuns
Tan ćialt co mai denant, dër mol y püch sorëdl: chësc é le ressumé di meteorologs dl Sorvisc Meteo dla provinzia por ći che reverda le tëmp tl mëis de novëmber. Les temperatöres é stades altes tratan döta la sajun da d’altonn che é le secundo altonn plü ćialt dal mëteman dles mosoraziuns dl tëmp.
-
Premiaziun proieć de formaziun politica: L’ITE Raetia é inće laprò
Colié la fantasia y la pratica cun l’aprofondimënt de n tema d’atualité: Chësta é stada la sfidada dl proiet „Politische Bildung“ che é gnü organisè dal’Intendënza todëscia adöm a chëra ladina, por tlasses dles scores mesanes, altes y profescionales. Le concurs scolastich é rovè incö (27/11) tla fasa finala cun la presentaziun y valutaziun di 8 mius proieć a Balsan.
-
Paleobotanica tla Talia: pröma publicaziun importanta tl Museum Natöra
500 agn te un n liber: Le Museum Natöra à dè fora la pröma publicaziun importanta sön la storia, le svilup y les descurides dla paleobotanica, chël ô dì dl’inrescida de plantes fossiles tla Talia. Le liber é gnü presentè incö, ai 27 de novëmber da Evelyn Kustatscher, öna dles auturies prinzipales y paleontologa tl Museum Natöra.
-
www.manif.it: La verjiun nöia dl portal é gnüda presentada incö a Balsan
Le portal internet www.manif.it cöi adöm y presentëia te na manira scëmpla plü sorts de manifestaziuns, dal ćiamp dla cultura, ala musiga y formaziun, che vëgn metüdes da jì tles valades ladines dl Südtirol: incö, jöbia ai 27 de novëmber él gnü presentè le conzet nü dl portal che vëgn sostignì dales Repartiziuns dla cultura todëscia y ladina.