Atualità

USP - Da en lönesc, ai 16 de jügn dales 14.00 inant vëgnel dè ia tla sënta dla Direziun dles scolines a Picolin i posć da maestres y colaboradësses pedagogiches tles scolines ladines por l’ann de scolina 2014/15.

“SüdtirolToGo": Na app nöia sciöche integraziun ai libri cun i orars dl trasport

USP - Tan tröc abitanć saràl pa tl Südtirol tl 2030? Co ćiararà pa fora dailò la popolaziun? Y cares sarà pa les conseguënzes dl svilup dla popolaziun? A chëstes domandes ti é jü do l’Ofize por les statistiches dl ASTAT te n stüde, che gnarà presentè en mercui, ai 11 de jügn a Balsan.

USP – Por le concurs dal titul “Le turism incunta l’agricoltöra” vëgnel chirì proieć de colaboraziun interessanć che reverda i seturs dl turism y dl’agricoltöra. Le concurs é rové ala cuarta ediziun y vëgn organisé por le terzo iade te döt le raiun dla Euregio.

En ocajiun di 75 agn dales opziuns inviëia la Biblioteca Provinziala Dr. Friedrich Teßmann deboriada cun la seziun da Balsan dl Tiroler Geschichtsverein y le Archif Provinzial a na sëra de referać ai 10 de jügn dl 2014.

USP - Por coordiné damì la politica dl trafich tl raiun dles Alpes s’à incuntè incö, ai 4 de jügn, l’assessur por la mobilité Florian Mussner cun Ingrid Felipe, assessuria por la mobilité dl Tirol. Tematica dla incuntada é inće stada la edema dl trafich dal 23 al 27 de jügn a Desproch.

USP - Deache l’assessur por l’agricoltöra Arnold Schuler sarà indoman, jöbia ai 5 de jügn, a Roma por tó pert ala conferënza regionala sön l’agricoltöra, mëss la presentaziun dl raport nü sön l’agricoltöra y l’economia forestala gnì spostada.

USP - Por podëi stabilì na lista de prioritês ajornada s’à incuntè da püch l’assessuria por les politiches soziales Martha Stocker adöm cun le diretur de repartiziun Luca Critelli cun indöt 90 rapresentanć de organisaziuns a Kardaun. „N program unitar por ći che reverda les politiches sanitares y soziales va debojëgn, inće por stlarì les prioritês tl setur sanitar y sozial“, dij Stocker.

USP - Da śëgn inant gnarà i contribuć por i pendolars paià fora do criters nüs stabilis dala junta provinziala: “L’obietif prinzipal dla mudaziun di criters é chël da sostegnì deplü les porsones che à efetivamënter n tru lunch y compliché por jì sön le post de laûr”, dij l’assessur por la mobilité Florian Mussner. Les domandes por contribuć po gnì fates ćina ai 29 de agost.

USP – Tratan la sentada dla Junta provinziala da incö él inće gnü stabilì les integraziuns nezesciares por studënć dles scores altes che stüdia foradecà. Tematiches importantes é inće stades la colaboraziun sura-regionala dles Regiuns dla Euregio y le sostëgn finanziar ai studënć dles scores altes che alojëia dalunc dales families.