Atualità

USP – Ćina sëgn s’à scrì ite online söporjö 700 porsones ai ejams de bi- y trilinguism. L´iscriziun diretamënter dal computer é ativa dai 15 de novëmber incà y funzionëia cun la Cherta di sorvisc. Nia ma les porsones residëntes tla provinzia de Balsan po se scrì ite ai ejams cun la Cherta di sorvisc, mo inće düć chi che à la residënza te n’atra regiun dla Talia.

USP - Da inier mertesc, é la strada che porta sön le Ju dl Stelvio indô daverta al trafich, y da indoman jöbia, gnarà inće la strada che porta sön le Ju dl Rombo daurida. „Les gran cuantitês de nëi é stades chësc ann na sfidada nia da püch por le Sorvisc Strades dla Provinzia y porchël messunse rengrazié düć canć por le gran laûr che é gnü fat“, dij l’assessur por le Sorvisc Strades Florian Mussner.

USP - Le Museum provinzial dles usanzes y dles tradiziuns a Dietenheim ciafa n’atraziun implü: indoman, jöbia ai 29 de mà, gnaràl daurì la ćiasa nöia dles ês, olache an ne po nia ma ciafè na vijiun generala de dötes les apicoltöres dl Südtirol, mo olache al é inće poscibl da aprofondì les conescënzes sön la medejina popolara.

USP - Mëis por mëis pon ciafè noeles desvalies y atuales sön la plata internet ofiziala dla Euregio, le proiet de colaboraziun y de barat sozio-cultural danter les Regiuns dl Tirol, dl Trentin y dl Südtirol. Les novitês reverda porsones y posć interessanć, sciöche inće tesć iuridichs da descurì. Chësc mëis pon ciafè sön le portal dla Euregio por ejëmpl chisc argomënć: le Ćiastel de Vestmezia, na fortificaziun sön le confin danter la Svizera, l’Austria y la Talia, le diretur dl festival di films da munt de Trënt, Roberto De Martin, y la Convenziun dles Alpes.

USP - Aladô dl moto “la natöra coliëia” organisëia l’Ofize dl laûr por y cun la jonëza en colaboraziun cun la staziun forestala da Maran y le VKE spazirades ti bosć por porsones migrantes.

USP - Les dezijiuns plü importantes tratades dala Junta provinziala incö a Balsan é stades l’aprovaziun dla daurida de 19 farmazies nöies tl raiun provinzial, la revijiun dles ativitês organizades tl Safety Park y le proiet de na zirconvalaziun a Balsan.

USP – En contlujiun dla seria “cinema y lingac”, pro chëra che al é gnü mostrè de plü films tl lingaz original, él da odëi ai 29 de mà le film “Submarine” tl Zënter multilinguistich (Multisprachzentrum) de Balsan. L’entrada é debann.

USP – „Bele da d’altonn oressun podëi comuniché chi che à davagné le concurs scrit fora por fà sö danü la porjun da Balsan, inće por avëi insciö na porjun nöia a Balsan te dui ćina trëi agn”: Chîsc i tëmps che le Presidënt dla Junta provinziala Arno Kompatscher y che sò sostitut ofizial Christian Tommasini oress tignì ite por realisé la costruziun nöia, sciöche trami dui à inće confermè incö tratan na vijita ala porjun atuala. „La strotöra nöia gnarà fata sö aladô de standards moderns“, impormët Kompatscher.

USP – La streda statela de Gherdëina danter Pruca (pra l Falnoder tl chemun de Laion) y Prembach resta śareda nchin ai 13 de juni. Ntan i lëures de restruturazion dla streda cun chëi che n à metù man dan puech, iel unit ju na smueia y pervia de chël se trajerà i lëures mo ora per n valguna enes.

USP - Chësta domënia, ai 25 de mà dl 2014, é düć i litadus y dötes les litadësses dl Südtirol cherdà da jì a lité le Parlamënt nü dla Uniun Europeica. Le Presidënt dla Junta provinziala, Arno Kompatscher, fej n apel da jì a dè jö la usc pro chësta lîta importanta, inće deache: „Chi che ne va nia a lité, chi ti lascia tó ai atri les dezijiuns sön nosc dagnì.“