Atualità

USP – Sostanzes desvalies de sura cënt sortes de pom, l’alzamënt di indesc de cualité pro les chersces, prozedimënć por la conservaziun zënza l´utilisaziun de sostanzes chimiches y strategies nöies pro l´inagaziun: chëstes é ma en pêr dles tematiches tratades ti ultimi dui agn dal zënter por l’ arichida dla Laimburg. Indöt 25 raporć é gnüs analisà incö ai 19 de mà a Balsan dal´assessur provinzial Schuler y dal diretur Oberhuber tla cornisc dla presentaziun dl raport sura l’ativitè tl ćiamp dl’archirida dla Laimburg ti ultimi dui agn. Le raport presentëia ma na pert di resultać dl laûr di ultimi dui agn dla Laimburg.

USP - Indöt 60 pesć gnarà partìs fora ai davagnadus dl concurs “Un libro ti aspetta” dla repartiziun provinziala por la cultura taliana. I pesć gnarà surandà en mercui ai 21 de mà dales 18.00 dal assessur Christian Tommasini tl zënter Trevi a Balsan.

USP – Mioré les poscibilitês sön le monn dl laûr tl Südtirol: chësta é stada la tematica zentrala tratan na incuntada da püch dla comisciun diretiva dla cooperaziun sura-provinziala EURES TransTirolia a Desproch , metüda adöm da rapresentanc dl Tirol, dl Südtirol y di Grijuns. Helmuth Sinn, diretur dla repartiziun provinziala por le laûr é atualmënter inće le presidënt dla EURES Trans Tirolia.

USP - Le Museum Ladin dla laûrs Ursus ladinicus da San Ćiascian à metü a jì adöm ales scolines ladines en proiet didatich por portè le monn dla laûrs plü daimprò ai mituns y les mitans dles scolines. Tratan chësta scomenciadia, che é culminada incö ai 15 de mà cun na rapresentaziun teatrala, à i mituns y les mitans inće podü chirì fora en inom nü por la laûrs rossa M12, che an à ćiafè do en inzidënt stradal tl 2012.

USP - La comisciun provinziala por le laûr à aprovè l´arlunjamënt di practicums por jogn y jones tles vacanzes da scora y université da 6 a 10 mëisc y pormënt inće ales aziëndes zënza dependënć da pité practicums à studënć y studëntes.

USP - En domënia, ai 18 de mà vëgnel festejé le „Dé Internazional di Museums“. 41 museums de döt Südtirol tol pert ala scomenciadia cun n program de na gran varieté por pići y gragn y cun l`entrada debann prësc indlunch.

USP - Le Consëi scolastich provinzial n’à degöna potesté legislativa, mo al pò dè jö arać y les trëi seziuns (chëra todëscia, taliana y ladina) s´à incuntè en lönesc, ai 12 de mà, por le plenum tla sënta dl Consëi provinzial a Balsan. Chësta ocajiun à anuzè la seziun ladina por na incuntada adöm al assessur ladin Florian Mussner y al’intendënt dles scores ladines Roland Verra. Debatü el gnü danter l´ater l´aprovaziun dl’ann scolastich fat foradecà.

Fà sport y incuntè jogn y jones dles trëi provinzies de Balsan, Trënt y dl Tirol: chësc pîta l´Euregio Sport Camp dai 13 ai 20 de messè a Baselga di Pinè tl Trentin. Tratan l’incuntada él sön le program en gröm de ativitês sportives sciöche arpizé, jadiné, nordic walking, dragon boat, trà cun l’ergo, cun laprò ćiamò escursciuns y workshops interatifs. La partezipaziun al camp costa 120 euro, le prisc cür le cost por le mangé y le dormì y assistënza. Les iscriziuns é davertes da śëgn inant.

USP - Chëstes é stades les tematiches plü importantes tratades dal Govern provinzial incö a Balsan - Danter l´ater él gnü definì inće la formaziun suplementara dl personal tl setur dl’ alimentaziun

USP - Te en gröm de comuns tl Südtirol él gnü fat tl ultimo tëmp en gröm de domandes da pert de n aziënda dl Piemont da mët sö tofles de retlam. L´assessur provinzial Richard Theiner confermëia che les tofles de retlam de chëres proporziuns n´é do l´articul 25 dla lege sön la sconanza dla contrada de regola nia conzedüdes.