Atualità
-
Le portadù dl pest Nobel dla pêsc Perez Esquivel fej vijita a Kompatscher
USP - Adolfo Perez Esquivel, portadù dl pest Nobel por la pêsc, à vijité incö, lönesc ai 12 de mà, le Presidënt dla Provinzia Arno Kompatscher a Balsan. Tratan la vijita él gnü tratè la tematica dla cooperaziun al svilup da pert dla Provinzia de Balsan ti paîsc dl Sudamerica sciöche l´Argentina.
-
Pröma sentada dla consulta nöia por la sconanza di consumadus
USP - Le program d´ativitè por le 2014, na incuntada por l´iubileum di 20 agn dla Zentrala di Consumadus dl Südtirol y na tuta de posiziun por ći che reverda l´acordanza comerziala”transatlantica” é stades les tematiches prinzipales tratan la pröma sentada dla consulta nöia por la sconanza di consumadus, a chëra che inće le Presidënt dla Provinzia, Arno Kompatscher, à tut pert.
-
La mostra de Carlo Pescollderungg daurida incö tl Museum Ladin
USP -Incö, vëndres ai 9 de mà dl 2014 él gnü daurì la mostra “Carlo Pescollderungg. Coleziun de chertes postales” tl Museum Ladin Ćiastel de Tor a San Martin en presënza dl colezionist Carlo Pescollderungg y de Stefan Planker, diretur dl museum. Pro la mostra él da odëi indöt 350 chertes postales d´epoca dles valades ladines y an po jì a ti ćiarè debann ćina ai 29 de jügn.
-
Ai 11 de mà él la festa dla uma: “Messun aumentè la liberté de dezijiun dles umes“
USP – En domënia, ai 11 de mà festejun la festa dla uma y insciö tol Waltraud Deeg, assessuria por la familia, chësta ocajiun por sotligné l´importanza da garantì ales umes la poscibilitè de podëi laurè inće tratan la maternitè.
-
Stocker vijitëia l´Istitut por l´assistënza ai viadus y ai pici ćina trëi agn
USP – Por viadus, piceres y pici ćina trëi agn che vëgn da situaziuns familiares complicades, y por umes cun pici mituns te situaziuns de emergënza él l´Istitut por l´assistënza ai viadus y ai pici a Balsan en punt de referimënt. L´ann passè él stè indöt 17 mitans y mituns che à abité tl´Istitut provinzial che an po ćiafè en via Guncina 54 a Balsan.
-
Convenziun Provinzia-RFI: 33.000 metri cuadrać passa ala Provinzia
USP - Miorè les infrastrotöres dla mobilitè dla Provinzia y aumentè les arees da anuzè por le trafich sön les scines: le presidënt dla Junta Provinziala Arno Kompatscher s´à acordè incö cun l´aziënda statala inćiariada da aministré la rëi dles scines, la RFI. Ala Provinzia passèl indöt 3,3 hectar de arees da aministré, partides sö te ot comuns provinziai.
-
L´internet y sü prighi: La polizia postala y la ZCE aconsiëia prudënza
USP – Trapolades pro na cumpra sön internet, le cyber-bullying, le stalking online y la presënza y defujiun de material pornografich – chisc é n valgügn prighi che an po incuntè canche an navighëia sön internet. Tratan na incuntada, organisada da püch dal´Ofize provinzial por mediums audiovisuai adöm ala Zentrala di Consumadus Europeica (ZCE) él gnü dè informaziuns y consëis sön chësta tematica
-
Sentada dla fondaziun Unesco incö a Cortina
USP - Incö, mercuì ai 7 de mà, à le consëi d´aministraziun dla fondaziun "Dolomites Unesco" aprovè le program anual por le 2014 -"Sëgn podun se dediché a i laûrs che s´aspeta", dij Richard Theiner, assessur provinzial y presidënt dla fondaziun.
-
Strada statala dla Val Gherdëna: ampliamënt dla strada tl comun de Laion
USP - L´autorisaziun por l´ampliamënt dla strada statala dla Val Gherdëna S.S. 242 é ofizialmënter gnüda surandada ai 5 de mà y insciö à i laûrs podü mëte man. L´cost complessif di laûrs é de 766 mile euro.
-
Presentaziun dl liber "Das Land baut - Provincia all'opera" ai 08 de mà
Scores, museums, punć y zirconvalaziuns: chisc y atri frabicać fać sö dala Provinzia de Balsan é l´argomët prinzipal dl´liber “Das Land baut – La Provincia all`opera”, che vëgn presentè induman, jöbia ai 8 de mà, en presënza dl´assessur por i laûrs publics Tommasini tla fortificaziun museala a Franzensfeste.