Atualità
-
En forza dai 15 de mà la lege sön les lîtes provinziales nöia
En mertesc, ai 14 de mà vëgnel publiché sön le Boletin Ofizial dla Regiun la lege che regolamentëia les lîtes dl Consëi provinzial. La lege nöia va en forza le dé do, en mercui ai 15.
-
Dagns ales strades gaujà dal invern: finanziamënć implü y intervënć de priorità
Spostamënć de ressurses finanziares internes, mesi finanziars implü y na lista dles prioritês ch’al é da afrontè: tl Departimënt por i laûrs publics dla Provinzia vëgnel laurè dassënn por tó y jì i dagns gaujà dal tëmp da d’invern ales strades tl Südtirol. “En chësc ann adorunse gran pert di finanziamënć dl Sorvisc strades por cuncè fora l’asfalt dles strades” alza fora l’assessur Florian Mussner.
-
Uneranzes per 32 atlec da inviern: n chert ie ladins
Ntan l ultimo inviern à 32 atlec dl Südtirol venciù na bedaia mundiela o arjont n podium de copa dl mond. Danter chisc atlec che ie (INIER) ai 8 de mei unic unerei dal presidënt dla Provinzia y assessëur al sport Durnwalder, iel nce 8 atlec dai luesc ladins.
-
Liber deberieda per deventé plu cuscienc dla storia
La trëi grupes de rujeneda dl Südtirol valutea la storia da si pont de ududa. L liber de storia che ie unì prejentà (NCUEI) ai 09 de mei a Bulsan ie unì fat da esperc de duta trëi grupes y ie per duta trëi grupes de rujeneda: l dëssa judé pro a deventé plu cuscienc dla storia deberieda y a chësta maniera a na miëura cunvivënza dla grupes de rujeneda.
-
Prima senteda dla Cumiscion ladina per l’opres d’ert
L’atività artistica fej pert dla cultura y ie tla valedes ladines drët sentida. Per sustenì chësta atività dla mendranza ladina compra la Provinzia de Bulsan uni tant vel opra d’ert. La cumiscion cherdeda ite dal Assessorat Ladin che dëssa fé prupostes y dé na valutazion sun i priejes, sa à (INIER) ai 08 de mei ancuntà l prim iede.
-
Ai 15 de mei vëniel prejentà i prim resultac definitives dla cumpededa dla jënt
Cun la cumpededa dla jënt à l Istitut provinziel de statistica ASTAT y l istitut naziunel ISTAT fat na nrescida sun duta la populazion. La prima pert di resultac definitives unirà prejentei n mierculdi 15 de mei dal presidënt dla Provinzia Durnwalder te na cunferënza stampa a Bulsan.
-
Le turism incunta l’agricoltöra: l’ediziun dl concurs 2013 pëia ia
Inier, ai 7 de mà dl 2013 él pié ia la terza ediziun dl concurs de idees “Tourismus trifft Landwirtschaft – Il turismo incontra l’agricoltura” a livel dl’Euregio cun le Südtirol, le Tirol y le Trentin. Tres chësc concurs vëgnel chirì proieć de cooperaziun te chisc dui seturs strategics por i raiuns alpins.
-
Trëi chemuns de Sëuramont da Durnwalder y Mussner
Na delegazion di trëi chemuns ladins storics de Belun se à (NCUEI) 08 de mei ancuntà cun l presidënt dla Provinzia Luis Durnwalder y l assessëur ladin Mussner. I argumënc dl’ancunteda tl palaz Widmann a Bulsan ie stai la ulentà di trëi chemuns storics de fé pert dl dla provinzia de Bulsan, i finanziamënc tres l fondo Brancher y l svilup dla RAI Ladina.
-
Cumiscions de matura tla scoles autes ladines
Te sies enes, ai 19 de juni scumëncia i ejams de matura. L ntendënt ala scoles ladines à śën numinà la 5 cumiscions per l’ejam de matura.
-
Museum Gherdëina y Lizeum d’Ert gëura ai 10 de mei na mostra speziela
L Museum Gherdëina presentea tla mostra temporera “Clochards & roba da fé da mat“ lëures de sculées y sculeies dl Lizeum d’Ert “Cademia“ criei sun ispirazion de na selezion de pec dl museum. Cun chësta mostra tol l Museum Gherdëina pert ala scumënciadives per “l ann dl pez dl museum”. La mostra vën giaurida n vënerdi, 10 de mei, dala 10.00.
