Atualità
-
Convenziun dles Alpes: Mussner sotescrî acordanza a Roma
USP – Cun la sotescriziun dl assessur Mussner à la Provinzia de Balsan azetè l’acordanza danter le Ministêr por l’ambiënt y les regiuns por mëte a jì le program dla Convenziun dles Alpes sot la presidënza dla Talia. L’acordanza é gnüda sotescrita (INIER) ai 15 de novëmber a Roma.
-
Armunisazion europea dl mestier da maester de schi
USP – La comunità europea uel mëter a jì na cualificazion unitera per i maestri de schi. N reprejentanza dla Jonta provinziela, se pera l assessëur Hans Berger contra na tel regula ajache la ne vëija nia dant standard sciche tl Südtirol. (NCUEI) ai 14 de nuvëmber à Berger, deberieda cun l presidënt di maestri de schi dl Südtirol Claudio Zorzi, tëut pert a n’ancunteda a Brüssel ulache i se à damandà i standard y à giapà sustëni da d’autri raions.
-
Bilanz provinziel 2013 cun reduzion dla chëutes y sustëni per families y economia
USP – I custimënc y la nvestizions aldò dla ntredes dla Provinzia, l bilanz per l 2013, ie esprescion dl mpëni per limité l custimënt publich, sustenì la families, dé na sburdla ala furmazion y al’inuvazion. Aldò de chisc prinzipeies ie unì metù adum l bilanz de previjion de 5,068 miliardes che ie (NCUEI) ai 14 de nuvëmber unì prejentà dal assessëur ala finanzes Roberto Bizzo.
-
Chëst ann inò n “Avënt ladin a Bulsan”
USP - La cultura particulera de cianté l Avënt che ie unida mantenida ti luesc ladins unirà chëst ann inò prejenteda al publich de Bulsan. Te n mëns, ai 14 de dezëmber cianterà sies grupes ladines tl Dom de Bulsan.
-
Dala senteda dla Jonta provinziela dl 12 de nuvëmber
La diretives acioche l sibe da aspité de manco per vijites spezialistiches, l program de 421 cuatieres soziei, la regules nueves per i cuntribuc al cuatier, l merit di destudafuech ntan trëi dis de gran plueia, i proiec de trëi uties da mont y la lerch per prejenté prudoc da tlo ie stai i argumënc zentrei dla dla senteda dla Jonta provinziela ai 12 de nuvëmber che l presidënt dla Provinzia Luis Durnwalder à prejentà ala stampa.
-
Aspité de manco per vijites spezialistiches
USP – Canche l ie da aspité plu de doi mënsc per pudëi fé na vijita spezialistica tl spedel, sustën la Provinzia la vijita pra n dutor privat cun n cuntribut: chësc à la Jonta provinziela dat pro (NCUEI) ai 12 de nuvëmber a na maniera che i zitadins muessa aspité de manco per vijites che ne ie nia de prëscia.
-
Lerch da prejenté prudoc tl Tirol
USP – Pra trëi de majera manifestazions o fieres a Bulsan dëssel nce unì metù a desposizion na lerch per i prudoc dla region europea dl Tirol. La Jonta provinziela à (NCUEI) ai 12 de nuvëmber dat pro na regulamentazion nueva cun n sustëni de 60.000 euro al ann.
-
Regules nueves per i cuntribuc al fit dl cuatier
USP – Dal prim de jené 2013 unirà i cuntribuc per paië l fit dl cuatier dai ora a na maniera nueva. La doi sortes de sustëni da nchinamò, l cuntribut per l cuatier tres l IPES y l cuntribut tres i servijes soziei, unirà metui adum te n sëul cuntribut. Chësc mëter adum se à damandà criteries nueves che ie (NCUEI) ai 12 de nuvëmber unic dai pro dala Jonta provinziela sun pruposta dl assessëur Richard Theiner.
-
421 cuatieres soziei nchin a n auter ann
USP – Nchin a n auter ann iel udù dant de sëurandé 421 cuatieres soziei. Chësc ie unit ora dala relazion dl assessëur Tommasini sun l atività dl Istitut per cuatieres soziei IPES, ntan la senteda dla Jonta provinziela (da NCUEI) dl 12 de nuvëmber.
-
Jonta provinziela azetea de fé trëi uties da mont da nuef
USP – Do l bënsté dla Cumiscion provinziela per la cuntreda y la Cunsulta alpinistica à la Jonta provinziela (NCUEI) ai 12 de nuvëmber dat pro i proiec per fé da nuef la trëi uties Weiskugel/Pio XI, Schwarzenstein/Vittorio Veneto al Sasso nero y Edelraut/Ponte di Ghiaccio.