Atualità

USP – Te trëi mënsc scumëncia n tëmp nuef per l trasport publich tl Südtirol: dal 14 de fauré 2012 jirà n funzion l sistem nuef dla tarifes y l Südtirol Pass tulerà ite la luegia dl vedl abunamënt. L assessëur Thomas Widmann à (NCUEI) ai 10 de nuvëmber prejentà la nuviteies sorissan che cun la cherta nueva puderan furné cun curieres, ferates y furadoies publiches te dut l raion provinziel. L Südtriol Pass possa bele unì apustà dai 15 de nuvëmber (DUMAN) inant.

USP - Sustëni ala families cun davani mesan y ala firmes inuvatives: chisc ie i ponc zentrei dl bilanz de previjion 2012 y dla lege finanziaria che ie unida prejenteda (NCUEI) ai 9 de nuvëmber dal assessëur provinziel ala finanzes Roberto Bizzo.

USP – La Seconda Comisciun por la sconanza dla contrada à te süa sentada di 8 de dezëmber dè pro che la Gran Risa po gnì slariada te na ota.

USP - Cuntra les codes d’auti sön la strada de Puster – dantadöt i dis che i sciori röia adalerch y che ai s’un va – val debojëgn ince de mosöres tecniches y infrastrotorales. Insciö àn metü man incö (ai 7 de novëmber) da fà la terza striara sön la strada de Puster dan la entrada dla portina dl daz dl’austostrada a Vahrn.

USP – Strom y finanzes ie stai i doi ciamps de nteres prinzipei tratei (NCUEI) ai 7 de nuvëmber dala Jonta provinziela. Danter l’ucajion de cumpré azions dl’Edison per sëurantò defin la zentreles dal strom tl Südtrol y la demiscions di respunsabli dla SEL, iel nce unì tratà cuestions dla lege finanziera.

USP – Na coordinazion danter chiche possa dé ora la zertificazion de rujeneda y la tofles per i troies da mont ie (NCUEI) ai 7 de nuvëmber stat argumënt dla Jonta provinziela de Bulsan.

USP - Chiche davania de plu messerà nce tl Südtirol de ju de plu. La Jonta provinziela à (NCUEI) ai 7 de nuvëmber anjenià la cundizions per sëurantò la chëuta sun l majer davani che ie bele unì ududa dant dal Stat.

USP – La Jonta provinziela à (NCUEI) ai 7 de nuvëmber anjenià la cundizions per na regulamentazion nueva dl finanziamënt turistich tres la lege finanziera. Te chësta lege an nce udù dant de jì de reviers ala vedla forma de finanziamënt di chemuns che dëssa giapé na cuota segura de 13,5 percënt.

USP – I presidënc dl cunsëi de aministrazion y dl cunsëi di revisores dla SEL, Klaus Stocker y Franz Pircher à (NCUEI) ai 7 de nuvëmber metù si ncëira a desposizion dla Jonta provinziela. Te n scrit ie unì fat al savëi ai assessëures provinziei che l diretëur generel Maximilian Rainer à damandà trëi mënsc de aspetativa nia paieda. “N iede ulons valuté la cunseguënzes y n lunesc che vën, ai 14 de nuvëmber ulons tò na dezijion” à detlarà Durnwalder.

USP - La Jonta provinziela à tëut a cunescënza la puscibltà de cumpré su la azions dl EDISON de 8 zentreles dal strom tl Südtirol. L presidënt Drunwalder à do l senteda (da NCUEI) dl 07 de nuvëmber rujenà de na ucajion unica per sëurantò dut l avëi de chësta zentreles. La sozietà SEL ie unida nciarieda de marciadé nce cun l’ENEL.