Atualità

USP – La regulamentazion di auti sun i jëufs ie (NCUEI) ai 06 de juni stat argumënt tla senteda dla Jonta provinziela. Per tré ite na minonga dla jënt che vif daujin ai jëufs dla Dolomites vëniel damandà na pruposta ufiziela di chemuns dla Val Badia y de Gherdëina.

USP – Analises che à paredlà la cumpetënza linguistica di sculeies dla scoles paritetiches cun chëi de scoles me tudësces y me talianes mostra su che ala fin dla scoles autes arjonj i sculeies feter l medemo livel de tudësch y talian sciche chëi de rujeneda dl’oma. I resultac ie unic prejentei (NCUEI) ai prim de juni tl’università a Persenon.

USP – I cuncorsc d’ert „3ª Trienala Ladina“ y l pest de scultura “Richard Agreiter“ ie l ann passà stai doi avenimënc straurdineres metui a jì dal Museum Ladin Ciastel de Tor. N merdi ai 7 de juni uniral tl Museion a Bulsan prejentà n catalogh cun i lëures de chisc doi cuncorsc d’ert. L unirà adalerch l assessëura Sabina Kasslatter Mur, l curadëur Adam Budak, l artist Richard Agreiter y la diretëura dl Museion Letizia Ragaglia.

USP – „La cumpëida dla jënt 2011 ie na ucajion per la jënt ladina de fé valëi si posizion, tenì adum y demustré si identità“ à dit l assessëur provinziel ladin Florian Mussner (n sëira) ai 31 de mei ntan l’ancunteda de nfurmazion y sensibilisazion sun la cumpëida dla jënt per ambolc y respunsabli dla istituzions ladines.

USP – Davia che l vën cumedà ca l puent dl stradon de Gherdëina a Runcadic, iel debujën de l saré nchin ala fin de juni. I auti vën avisei ntëur.

USP – Ncëries de proietazion cun manco burocrazia, mo lueges per muciadives dal Nordafrica, l program dla scolines, formuleres per la cumpëida dla jënt, lëures da instà per jëuni. Chisc ie stai i argumënc de majer nteres prejentei dal presidënt dla provinzia ai 30 de mei, riesc do la senteda dla Jonta.

USP – L cuarto partimënt dl spedel de Sterzing dëssa unì adatà per la stazion de reabilitazion neurologica. La Jonta provinziela à (ncuei) ai 30 de mei dat si bënsté a lëures che ie unic valutei debujën sce l possa tlo unì fat l zënter de sperimentazion che ie unì prugramà.

USP – La Jonta provinziela uel ti judé ai jëuni che chier n lëur per l instà. Dantaldut per jëuni tl’età dla scola auta ulëssen ti pité la puscibltà de fé n servisc sciche chël dl ann soziel.

USP – Sculeies dla scoles autes y privatisc’ ne ova nchinamò nia avisa la medema cundizions n cont di ejams. La Jonta provinziela à (ncuei) ai 30 de mei valivà chësta cundizions.

USP – Pra la cumpëida dla jënt che unirà fata de utober de chëst ann iel na nuvità n cont dla detlarazion dla grupa de rujeneda. La Jonta provinziela à dat pro i formuleres nueves n cont de chësta detlarazion.