Atualità

USP – Nchin a n auter ann d’inviern uniral tl raion Kaiserau/Casanova a Bulsan sëurandat 461 cuatieres. Na pert de chisc ie nce udui dant per la categuria de davani mesan. Chësc à cunedì l Presidënt dla provinzia, ncuei (29 nuvëmber) tla cunferënza stampa do la senteda dla Jonta provinziela.

USP – La Jonta provinziela uel dé n aiut a jëuni che ulëssa deventé piloc, ma nen adrova dal’autra pert me puec. Ncuei, 29 nuvëmber, iel unì dat pro doi stipendium al ann.

USP – La cumpëida de lueges tla cëses per studënc smëndresc da ann a ann. Una rejon ie nce ajache l ne vën nia do munighes y patri che mëina chësta cëses. La Jonta provinziela à ncuei, 29 nuvëmber, dat pro de crì 490 lueges per cin zëntri scolastics tla provinzia.

USP – La Jonta provinziela à ncuei (29 nuvëmber) dat pro de smendrì la cumpëida di cunsorc de garanzia per tò su credic. A chësta maniera possel unì sparanià tl’aministrazion y avëi na majera flessibilità danter una categuria economica y l’autra.

USP – La Jonta provinziela uel fé mudazions ala maniera de paië ora cuntribuc per l fit de cuatieres cun la mira che la jënt da tlo ne vënie nia penaliseda.

USP – La Jonta provinziela à dat pro de cumpré medejines per curé l cholera y de les mandé a Haiti.

USP – Cun l sistem nuef de trasmiscion televisiva digitela ova la Jonta Provinziela udù dant n canal de nfurmazion per i turisc’ che fej feries tla provinzia de Bulsan. Davia che n ulëssa mustré de plu categuries de nfurmazion tl medemo mumënt vëniel scrit ora n cuncors per abiné na soluzion tecnica aldò.

USP – Per l prim iede iel tla Provinzia de Bulsan unì fat n liber de storia per duta la grupes de rujeneda. Ncuei (26 nuvëmber) à i trëi assessëures ala scola, Mussner, Kasslatter Mur y Tommasini prejentà chësc liber nuef per la scoles autes y nce per duc i nteressei. Ubietif de chësta culaburazion danter tudësc, taliani y ladins ie de miuré la cumpetënza sun la storia de nosc raion.

USP – “Sce n bev alcol ne dëssen nia furné cun l auto”. Chësc ie l pensier zentrel dla campania nueva de sensibilisazion per la segurëza sun streda. Ncuei domesdì (25 nuvëmber) à i assessëures Mussner, Widmann y Theiner deberieda cun l colegh dl Tirol Bernhard Tilg y reprejentanc dl Trentino prejentà l placat nuef che ie nce unì fat tla rujeneda ladina.

USP - N juebia 25 de nuvëmber vëniel sun l marcià da Nadel a Bulsan prejentà la campania per la segurëza sun streda “Don’t drink and drive”. Davia che l se trata de n proiet de culaburazion danter la Provinzia de Bulsan, l Tirol y l Trentino saral i assessëures Florian Mussner, Richard Theiner y Thomas Widmann deberieda cun i colegh dl Tirol Bernhard Tilg y reprejentanc dl Trentino a prejenté la campania nueva. L slogan ie nce per ladin: “A chël bëgn: Canche i bëri ne vai danz no cun l’auto“.