Atualità

USP – La reforma dla scola auta unirà tla proscima enes data pro dala Jonta provinziela. Partizions nueves y reorganisazion per la scola ladina se stiza sun cunsultazions che ie unides fates danora. La senteda de (inier) ai 16 de nuvëmber ie stata esprescion de dialogh danter l assessëur provinziel Florian Mussner y i diretëures dl mond dla scola ladina.

USP – Sun l stradon de Gherdëina da Pruca ite vëniel fat doi puenc nueves y slargià la streda. I lëures se à chisc dis damandà de saré defin la streda per l muvimënt di auti. N vënderdi sëira, 19 de nuvëmber vëniel inò giaurì la streda da Pruca ite.

USP – Ciampinëi tl Chemun de Sëlva, Resciesa tl Chemun de Urtijëi y Armentarola tl Chemun de Badia ie stai argumënc dla senteda dla Segonda cumiscion provinziela per la defendura dla cuntreda da (inier) 16 de nuvëmber. I trëi proiec ie unic dai pro cun vel cundizions.

USP – Do avëi sëurantëut la cumpetënza per la scola, la reforma dla scoles primeres y dla scola auta, vëniel fat l ultimo var per mudernisé l sistem furmatif: la reurganisazion dl’aministrazion scolastica. Co che chësta dëssa cialé ora à (ncuei) ai 16 de nuvëmber prejentà l presidënt dla provinzia Luis Durnwalder deberieda ai assessëures per la scola Florian Mussner, Sabina Kasslatter Mur y Christian Tommasini.

USP – 41 pruvedimënc per miuré l cumerz tl zënter, miuré l atratività dl luech y la cualità de vita. Chisc ie i resultac dl studi per valorisé S.Cristina che ie (ncuei) ai 16 de nuvëmber unic prejentei a Bulsan dal assessëur Thomas Widmann, l diretëur dla repartizion cumerz Hansi Felder y l ambolt Eugen Hofer. I pruvedimënc ie resultac de na gran culaburazion danter Provinzia, Union per l cumerz HDS, Chemun, la unions cumerzieles y sozieles dl luech.

Nia me i canai de comunicazion tradiziunei pieta nfurmazion sun l’atività dla Provinzia y dla Jonta provinziela. Tl majer social network, sun Facebook, ie na plata provinziela, la nutizies plu mpurtantes ie n curt sun Twitter y sun YouTube iel i video di avenimënc de majer nteres. Dut chësc te trëi rujenedes.

USP – Tla scoles mesanes ladines iel unì analisà la cumpetënza dla rujenedes a na maniera da pudëi urienté l nseniamënt. I resultac dl lëur scientifich fat n culaburazion cun esperc universiteres ie unic prejentei (ncuei) 12 nuvëmber tl università a Persenon. Paredlan la medema analisa che fova unì fata per la scoles elementeres iel unit ora che tla rujeneda ladina possen ngrandì la varietà, mantenì l bon livel dla rujeneda tudëscia y de miuré l lessich n cont de verbs taliani. Sculeies ladins scrij tl tudësch pensieres plu lonci permez a sculeies tudësc de Tluses.

USP - Plëina solidarietà per l assessëura de Belun Daniela Templari vën dal assessëur Florian Mussner. Per via de na cuestion giudiziera de si mut, se à Templari trat de reviers da si ncëria da assessëura ala cultura, mendranzes etniches y valivanza di dërc per la provinzia de Belun.

USP – N merdi ai 16 de nuvëmber vëniel prejentà i resultac dl studi sun la valorisazion dl zënter de S.Cristina. L assessëur provinziel Thomas Widmann nvieia danmesdi a na cunferënza stampa a Bulsan y da sëira an na reunion di zitadins a S.Cristina.

USP – “La reforma tlinica cumporta na ucajion da nia se lascé mucé” chësta paroles à l assessëur Richard Theiner abù per l dé pro dal reforma tlinica da pert dla Jonta provinziela. Permez ala pruposta prejenteda dan n mëns ne iel nia plu stat de gran mudazions, duc i set spedei unirà mantenì tl daunì.