Atualità
-
Cunsulta ladina per manco burocrazia
USP – Te si prima senteda à Cunsulta ladina nueva ncuei domesdì (prim auril) udù dant manieres per smendrì la burocrazia ala lies cultureles tla valedes Ladines. “Chëi che se dà ju per la cultura ladina y fej ulentariat ne possa nia mo unì ciariei cun truep lëur burocratich, sën ie unì l mumënt de fé zeche per smendrì burocrazia” à dit l assessëur provinziel ladin Florian Mussner.
-
Lëures cun semafer per la zircunvalazion de S.Crestina
USP – Per la nueva streda de zircunvalazion de S.Crestina vëniel nchin ala fin de auril fat lëures de adatamënt tl raion Dorives. Ntan l’ena muessa l muvimënt sun streda fé cont de aspité pra n semafer.
-
Museum Ladin gëura n Dumënia dl Ulif – argumënt lidëza
USP – N Dumënia dl Ulif, ai 5 de auril gëura l Museum Ladin a S.Martin per la sajon da instà. La mostra speziela sun la ciampanes storiches possa mo unì vijiteda nchin ai 12 de auril.
-
Delegazion tudëscia y franzëusa vijitea la scolines ladines
USP – N juebia (2 auril) unirà na delegazion l’urganisazion "Pestalozzi - Fröbel" dal Deutschland y dala Franzia a vijité la scolines ladines cun trëi rujenedes. N se aspieta feter 30 persones danter educadëures de scolines y d’autra espertes y esperc de pedagogia infantila. Sun l program dl di iel na vijità ala scolina de Sëlva sciche ejëmpl per la 17 scolines ladines.
-
Dala Jonta provinziela dl 30 de merz
USP – Nia me una lege finanziera, ma leprò mo doi leges “ombnibus”. Chësta ie la linia sun chëla che la Jonta Provinziela ie ncuei (30 merz) stata a una y che ti vën prejenteda ala frazions te Cunsëi provinziel. La Jonta provinziela à ncuei dat pro l program dla BLS (Business Location Südtirol) y la data per l cuncors dl Fond soziel europeich.
-
Mostra „Women in art“ gëura ai 2 de auril a Urtijëi
USP – Cater scoles autes à laurà cater ani tl proiet europeich d’ert “Women in art”. N juebia 2 de auril uniral giaurì na mostra de chësc proiet tl Zënter per ert y cultura a Urtijëi. Te “Women in art” se tratela dla maniera de esprescion creativa y d’ert dl’ëila.
-
Sasc sun la streda de Gherdëina a Puntives
USP – Ntan la prima ëures de ncuei lunesc (30 merz) ie sun la streda de Gherdëina danter Runcadic y Puntives unì ju sasc. Per garantì la segurëza à la streda messù unì sareda nchin da duman. I respunsabli dla Provinzia à danmesdì inò pudù giaurì l stradon de Gherdëina.
-
MUDAZION: ncuei deguna cunferënza stampa do la Jonta
Ncuei (lunesc ai 30 ) ne vën nia fata la cunferënza stampa dala 12.30 do la senteda dla jonta provinziela ajache l presidënt ne possa per via de n tisel nia vester sun l post.
-
Aministrazion nueva tl Istitut per furmazion musichela
USP – L Istitut per furmazion musichela de rujeneda tudëscia y ladina, à da chëst ena n’aministrazion nueva de nuef persones. Te si senteda de n lunesc (23. merz) à la Jonta provinziela numinà da nuef i trëi revisores di conc.
-
Forum sun l lëur da paur tla montes, n merdi a Brüssel
USP – Tla montes ne à l lëur da paur nia la puscibltà de espanscion o de na cultivazion plu ntensiva, la vën laurà cun dut d’autra cundizions che no ti raions ala bassa. “Damandon ala Union europea che la recunësce chësc y che la tole pruvedimënc” nsci l assessëur provinziel Hans Berger. N merdi 31 de merz uniral a Brüssel fat n var de chësc viers cun l forum sun l lëur da paur tla montes.