Atualità

USP - L bilanz provinziel 2009 ie stat l argumënt zentrel dla segonda senteda dla Jonta provinziela de jené. L presidënt Luis Durnwalder à prejentà n valgun ponc de majer nteres.

USP – Ntan i ultimi mënsc ie pra l spedel de Persenon unì frabicà da nuef 42.810 metricubich. Nscì iel unì finà via na gran pert dl renuvamënt dla cësa prinzipela. L presidënt dla Provinzia Luis Durnwalder, l assessëur ala sanità Richard Theiner y l diretëur dl raion saniter de Persenon Siegfried Gatscher à inier (15 de jené) danterëures giaurì la strutura nueva.

USP – Studënc possa da ncuei, 15 de jené, fé dumanda per borses de studi y pesc’. Chisc scioldi vën dai ora do l prinzip dla prestazion y nia sciche d’autra manieres de sustëni che ie basedes sun la situazion economica. De ndut iel unì scrit ora 342 borses de studi y 40 pesc’ dla prestazion.

USP – La cunescënza dla rujeneda nglëija ne ie te truep mestieres nia plu n savëi sëuraprò, ma na cundizion damandeda. La cunescënza dl nglëisc possen se lascé documenté tres ejams metui a jì de merz 2009 dal Ufize provinziel de bilinguism. Aldò dl livel possen se lascé nuté su nchin ai 22 de jené o 9 de fauré 2009.

USP – Te si senteda da ncuei (12 jené) à la Jonta provinziela de Bulsan udù dant la veles dl Chemun de Badia. Chëstes dëssa unì tenides danter l prim de mei y mez juni 2009. Danter i ponc de majera mpurtanza che ie unic prejentei dal presidënt Drunwalder iel nce la pruposta de lege per n aucat di jëuni, n proiet de medejina cumplementera y dis de tlausura per la Jonta provinziela.

USP – Tl ann 2009 à la Provinzia de Bulsan auzà de 4,4% la sëida per paië ora aiuc finanziei tl ciamp soziel. La tarifes per i servijes soziei ne vën alincontra nia auzedes. L auzé dl sëida per aiuc soziei y l nia auzé dla tarifes ie n var inant per desciarië pëis ai zitadins cun manco davani te tëmps de crisa” spiega l assessëur Richard Theiner.

USP – Genitores possa i dis che vën scrì ite si medri ala scolina per l ann de scola 2009/10. Sciche l vën fat al savëi dala diretëura dla scolines ladines Edith Ploner vën la iscrizions tëutes su l’ena dai 19 nchin ai 23 de jené 2009.

USP – La linies radio te duta la Provinzia de Bulsan, nce chëles che fova nchin a mo n gestion dl’uragansiazions de prim aiut, unirà cun l ann nuef sëurantëutes dala Provinzia. L cuntrat aldò ie unì sotscrì ncuei domesdì (30 dezëmber) da reprejentanc di Judacrëp, di Destudafuech y dla Crëusc Blancia cun l presidënt dla Provinzia Luis Drunwalder.

USP – La prima senteda dla Jonta provinziela nueva ie nce stata l’ultima senteda tl ann 2008. Ncuei (30 de dezëmber) ie unì sëurandà ufizialmënter la cumpetënzes ai assessëures y tëut tres passa 230 ponc al orden dl di. Danter i pronc prejentei dal presidënt iel nce l aumënt dla capazità de 24 mplanc porta mont.

USP - L Istitut provinziel de statistica ASTAT à dat ora la publicazion sun i lëures publics tl Südtirol ntan l ann 2008. Tl ann 2007 fovel unì fat frabiches publiches pe 873 milions de Euro, che fova stat 5,4% deplù permez al ann dant. Per l ann 2008 iel unì prugramà lëure per n custimënt de 1.049 milion de Euro.