Atualità
-
Lingac a cunfront
USP - N vënderdi ai 23 de mei unirà prejenteda tl’università a Persenon la prima pert dla Gramatica paredleda dl ladin, talian y tudësch che reverda l verb. La prejentazion unirà fata dai autëures Peter Gallmann, Heidi Siller-Runggaldier y Horst Sitta. Duc i nteressei ie nviei a chësta prejentazion y a se resservé chësc terminn.
-
Giaurida tl Museum Ladin
AS - Ncuei juebia domesdì vëniel tl Museum Ladin a San Martin de Tor giaurì la mostra de dessënies de sculeies. L tai dla vëta dla mostra dedicheda al argumënt “mëndri dl museum” unirà tenì dala doi domesdi dal assessëur ladin Florian Mussner.
-
Kangaroos ladins de fé conc
AS – Per l cuncors de fé conc “Kangaroo dla matematica” ie unic premiei cin sculeies ladins. 8.000 sculeies dala elementera nchin ala scola auta à fat pea l cuncors per la scoles ladines y tudësces dla Provinzia de Bulsan.
-
Cumité provinziel per l’evaluazion dla scoles ladines: numinazion di cumëmbri
USP - L cumité de bën cin persones per l’evaluazion dla cualità dla scoles tla valedes ladines ie unit numinà dala Jonta provinziela su ncëria dl assessëur Florian Mussner n lunesc de chëst ena. “L lëur de chësc cumité ie de gran mpurtanza: mustran su i aspec positives y negatives dla scoles ie chësc lëur la fundamënta per perfeziuné la cualità de nosta scola”, nsci sotrissea l assesssëur Mussner.
-
AP Mussner sotrissëia l’importanza dl lingaz dla uma
USP - Le pinsier al lingaz dla uma n’é gonot nia cosciënt, deache al é na pert de nos. Ma sc’i se confrontun cun i atri s’intenunse d’ester atramënter, de fà pert de n ater grup che se dà identité y se desfarenziëia dai atri. La cosciënza de fà pert de n grup ne dess mai condüje a combate i atri, mo mëss jì le tru dl respet, dl’azetaziun y dla pesc. L’assessur Florian Mussner sotrissëia cun chisc pinsiers l’importanza dl lingaz dla uma en ocajiun de so dé internazional dl lingaz dla uma ai 21 de forà.
-
L’Assessur Mussner s’incunta cun rapresentanc di Ladins de Suramunt
USP - Na delegaziun dl Istitut Cultural “Cesa de Jan” de Col é rovada adalerch ai 7. de forà a San Martin de Tor por s’incontè cun l’Assessur Ladin Florian Mussner. “La colaboraziun danter Ladins ti ciamps dla scola, cultura y ert dess gní intesivada y jí sura i confins dla Provinzia fora” inscö Mussner.
-
Cuncors leterer „Autëures ladins scrij..."
USP - Ueia de scrì, de vester criatifs y de Ve museré cun i autri? I lëures possen dé ju pra l Ufize Cultura ladina nchin ai 31 de jené 2008!
-
Sostëgn ala cultura - Domandes de contribuc por la cultura ladina por l’ann 2008
USP - Le Assessur ladin Florian Mussner adöm cun la Consulta culturala provinziala por le grup linguistich ladin recorda che les domandes por n contribut provinzial por ativitês culturales, por artistes y artisc, ativitè de formaziun en general, mëss gnì dades jö anter i 31 de jenà 2008 Les domandes por contribuc por investimënc culturai po gnì fates tratan döt l’ann.
-
Comitê che reverda plö grups linguistics: Por le pröm iade les domandes tratades bel de jenà
USP - L’ Assesur ladin Florian Mussner á chërde ite ai 9 de jenà na sentada dl Comitê de coordinaziun por manifestaziuns culturales o artistiches che reverda plö grups linguistics. Tl zënter dla discusciun i programs culturai por l’ann 2008. Por le pröm iade à le comitê metü a desposiziun i contribuc culturai por les lies bel de jenà, incër 700.000 euro.
-
La materies de nseniamënt per la segonda proa scrita dla matura ie unides ora
USP - I sculeies y la sculées che fej chëst ann la matura possa śën se arjinië ca plu a puntin per l ejam de matura. La Ntendënza ladina y l Ministero a Roma fej al savëi la materies che unirà chëst ann purtedes dant pra l segondo ejam scrit dla matura. Nce la materies per chëles che vën udù dant n ejaminadëur da dedora ie ruedes ora.