Atualità

Usp - En sabeda ai 14 de forà gnaràl tignì na conferënza stampa a Balsan por presentè le numer XXVI XXVII dla revista scientifica "Ladinia“. L ’Istitut Ladin "Micurà de Rü " inviëia ala presentaziun.

Usp – Tl „bollettino ufficiale“ dla Region da inier 9 de fauré iel unì publicà l cuncors per nsenianc dla scoles mesanes y autes ladines. La dumanda per chësc cuncors ie da dé ju nchin ai 10 de merz 2004 tla Ntendënza Ladina a Bulsan. Duc i nsenianc che à l titul de amiscion, l diplom sun la cunescënza dla trëi rujenedes y i autri criteries de amiscion possa fé dumanda. I ejames dl cuncors ie udui danora per l ansciuda 2005. Per chësta ucajion vëniel nce metù a ji cursc de preparazion.

Ntan l ann 2003 fovel tl Südtirol n media 223.400 persones che à laurà. 12% ie stai mpeniei tl’agricoltura, 25% tla produzion y 63% ti servijes. Dl’ëiles che à laurà ntan l ultim ann fova passa 80% mpeniedes ti servijes. Zitadins zënza lëur nen iel unì cumpedà 5.900 che fej ora na cuota de 2,6% zëza lëur. 155.700 persones sëura 15 ani ne ie nia stai mpeniei te na stiera de lëur, 54% de chisc ie n pension, 16% ie studënc y 25% fej lëures de cësa.

Tl’ena danter l 9 y l 3 de fauré vëniel dat l’ucajion de ji a rujené cun l aucat populer che tën udiënza te de plu luesc.

Usp – La scola prufesciunela per lëures soziei nvieia a n curs per mparé a curé jënt. Chësc curs tla rujenenda taliana unirà tenì dal 18 de fauré al 8 de mei 2004, ai 19 de mei saral i ejames de conclujion.

Usp – N cont de normatives per se straverdé da meldefuech te cëses che dà da albiërch iel da permò unìt ora n decret nuef dl Presidënt dla Provinzia, che ie nce unì publicà sun la plata ufiziela dla Region. L Ufize Provinziel per se straverdé dal meldefuech lecorda che nchin ala fin dl 2004 muessen se avëi adatà ala normatives nueves.

Usp – Per l Chemun de S. Martin de Tor iel pra l’ultima senteda de valutzion per l mpat ambientel nce unì trata n proiet de canalisazions. I diretëures de ufize cupetënc à n mierculdi à dat si bënsté.

Usp – La Cumiscion tecnica dla Provinzia à dat pro l proiet de mascima per la Cësa di studënc a Urtijëi. Tl’ultima senteda da inier lunesc iel unit dat prò de ji inant cun la proietazion esecutiva per chësc frabicat tla streda Sotria, dlongia la Scola d’Ert a Urtijëi.

De dezëmber 2003 iel unì cumpedà 17,1% de plu fulestieres che ie ruvei da nuef y 10,5% de plu pra la cumpëida dla nuetes permez a dezëmer dal ann dant. L ann 2003 ie stat n ann drët positif: permez al 2002 iel unì arjont n aumënt de 4,6% pra la cumpëida di fulestieres che ie unic adalerc. Pra la nuëtes che i turisc’ ie stai tl Südtirol iel uni arjont n aumënt de 1,5%, y la majera cumpëida che l ne ie mei unì arjont.

Usp – La detlarazion de guviern presenteda de dezëmber te Cunsëi Provinziel y l program de coalizion danter la Südtiroler Volkspartei, "Pace e Diritti - Frieden und Gerechtigkeit" y "Unione Autonomista" ie sën da liejer do te n cudejel aposta. L Ufize de stampa dla Provinzia à dat ora n cudejel de 50 plates che ti vën madà debant a duc i abunei ala zaita dla Provinzia "Das Land Südtirol". Chësta edizion speziela ie nce da giapé tl Ufize stampa a Bulsan.