Atualità
Dezijiuns dla IIª Comisciun provinziala por la sconanza dla contrada
USP - En mertesc, ai 2 d’agost 2005 s’à la IIª Comisciun provinziala por la sconanza dla contrada cun a ce Adriano Oggiano dè jö cun proiec por le sport da d’invern. La Comisciun à dè so bëgnstè por proiec ti comuns de Ciastel y de Corvara.
La IIª Comisciun provinziala por la sconanza dla contrada à dè so bëgnstè ala sozieté dai lifć „Telecabina Florian GmbH“ por splanè 4000 metri cuadrać de spersa sön la pista dai schi „Florian“ sön Munt de Suc. Sciöche le presidënt dla Comisciun à lascè alsavëi mëss dötes les sperses dedô indô gnì inverdides y al ne po nia gnì fat ite coi artifiziai.Por rajuns de segurëza dess inće la pista „Costoratta“ tl comun da Corvara gnì fata plü leria tl tòch zentral. A chësta manira oress la sozieté dai lifć „Funivie Boè AG“ cherié plü lerch por le gran flus de schiadus che röia adöm d’invern sön chësc tòch de pista. Sön na spersa de 2500 metri cuadrać él insciö preodü laûrs de spostamënt de material. Por chisc laûrs à la IIª Comisciun provinziala por la sconanza dla contrada stabilì na cauziun de 25.000 euro. Por podëi realisé chisc laûrs messaràl gnì taié jö n grup le lersc; n grup nü de lersc messarà porchël gnì sentè ite sön ur de pista.
USP
