Atualità
La Comisciun tecnica dij de scê ai proiec a Urtijëi y a San Martin de Tor
Le proiet esecutif dla sënta scolastica nöia por l’Istitut tecnich por le comerz y dla scora profescionala por l’artejanat artistich da Urtijëi é gnü aprovè en lönesc, ai 6 de forà 2006 dala Comisciun tecnica provinziala. Implü à la Comisciun ince dè so bëgnstè por la cumpra de locai por i ofizi dl Istitut Ladin Micurà de Rü a San Martin de Tor.
La realisaziun dla costruziun por la sënta nöia dl Istitut tecnich por le comerz “Raetia” y dla scora profescionala por l’artejanat artistich a Urtijëi röia tres plü daimprò. Te süa ultima sentada à la Comisciun tecnica provinziala aprovè le proiet esecutif y à odü danfora na spëisa totala de 12,7 miliuns de euro. La ćiasa dla scora nöia gnarà fata sö tla strada Raetia olach’al é dötaurela la scora vedla che gnarà trata jö. Tratan i laûrs de costruziun gnarà la scora spostada tla zona artejanala a Urtijëi olach’al vëgn tut en afit n frabicat.La Comisciun tecnica à implü inće dit de scê ala cumpra de locai por ofizi da destiné al Istitut Ladin Micurà de Rü a San Martin de Tor. Le proiet esecutif de costruziun é gnü ejaminé y aprovè dala Comisciun che à preodü na spëisa de cater miliuns de euro. Dan da püch â la Junta provinziala delibré en ligna de prinzip l’acuisiziun de n frabicat olache nia ma l’Istitut Ladin mo inće d’atres uniuns culturales dess ciafè lerch.
UV
