Atualità
Al é gnü aprovè dui proiec dl fabricat te valades ladines
OSP – Le salf de laûr protezionè por porsones cun impedimënc a Urtijëi po gnì fat sö danü. Por la sënta nöia dl Istitut Cultural Ladin de San Martin de Tor podéssel ince gnì cumprè plazes da parchè te n garage sot tera ite. Trami i proiec é inier, ai 3 de dezëmber, por ci che reverda la pert tecnica, gnüs valutà positivamënter dal’Assistënza Tecnica Provinziala.
I salfs de laûr protezionà por porsones cun impedimënć, sistemà tla ćiasa „Locia“ a Urtijëi ne corespogn nia plü ales ghiranzes. Ai dess porchël gnì ressanà, adatà y amplià. Le proiet esecutif portè dant dala comunité raionala dl Salto – Scilier é gnü aprovè dal’Assistënza Provinziala Tecnica. I cosć de recostruziun y de ingrandimënt dess porchël aumentè a 4,4 miliuns d’euro. Laprò vëgnel ćiamò 850.000 euro de cosć d’aredamënt.
L’Istitut Cultural Ladin „Micurà de Rü“ a San Martin de Tor ciafa na sënta nöia. I laûrs de costruziun por le fabricat, che la Provinzia de Südtirol cumprarà por chësta utilisaziun, é oramai stlüć jö. Śëgn ti vëgnel pité ala Provinzia de cumprè n garage sot tera ite cun 16 posć da parchè. L’Assistënza Provinziala Tecnica à inier ejaminé le proiet dl garage y iudichëia le prisc de cumpra de 409.000 euro dè dant, sciöche al alda. La dezijiun de cumpra ti speta śëgn al govern provinzial.
OSP
