Atualità
Campania “Plu plan” tla televijion
USP – Campania de prevenzion di jëuni „plu plan... per mioré la vita“ vën prejenteda n vënderdi ai 19 de setëmber tla televijion.
Pra la trasmiscion Klick per jëuni y genitores prejënta te si edizion de n vënderdi la campania de prevenzion dla valedes ladines per na vita che vede manco debota. L se trata tlo ne n’azion che ie nasciuda ora dla nrescida di jëuni ulache l ie unì a lum che la vita ulache dut va tan debota cumporta problems da plu pertes. L’azion vën sutenida da na lingia de istituzions, danter chestes nce l Ufize per i jëuni. N uel cun nserac tla zaita ladina sensibilisé la populazion. L pensier che vën ena per ena dat inant a chëi che liej dëssa animé l singul a pensé do y adaté si vita a si ritm persunel.
Tla trasmiscion Klick che ie bel unida mustreda l prim iede n dumënia passeda, vëniel nce tratà l argumënt dla pubertà. N vënderi ai 19 de setëmber scumëncia la trasmiscion dla RAI de Bulsan dala 18.30.
as
